Sam 27:14 - Natqgu

¹⁴ Mzlengeng, na-abrtr-ngrbzku drtwrgu mz Yawe. X naxplrku mz nzlxngiti-krgule. Bzkq matitr drtwrgu nide, A' drtwrgu na-abrtr-zvzbzku bade.

Sam 27:14 ပူးပေါင်းရင်းမြစ်များ

Sam 130:5

Yawe, obqtipxx nzokatr-krm ninge. X brti drtwrnge kx sa na-atutrq natqm. Da kc tzwai kxnzaukzng mz nzaenzli-krdr rngalx nzpnamilxtilz-ani-krmle, Murde nzkrlzlr kx nepi sa naprkilz-zvzm mz nourla kang kqlu. A' suti zlwz drtwrnge nzvz-ani-krme, Myaszpxle nzsutikr drtwrdr nzprtz-krm nepi.

Sam 138:3

Mzli kc tqkrka'-ngrbo bam, ayzlume natqnge, Mz nzaetunepx-krm nzxplr-krnge.

Sam 25:21

Yawe, arlapx ninge murde tubqx x nabznge lqngi. Yrlqtr-zvzbo nzlu-krnge bam.

Sam 25:3

Clvebz doa kc tqabrtr-zvzbzle drtwrde bam, murde drtqde ma tzamyatibz. Clveti-lzbq zvz doa lc, a' mrlx kx ani txpwz nzota-krmu ncdr, mrlz nzmyakr drtqde.

Sam 31:24

Bzkq nabzgu tzprlzm, a' natu-amqngiku Mz nzbrtikr drtwrgu nide.

Sam 33:20

Mnc-xgleku Yawe nzokatr-krde nigu. Murde nide temz ngr lomrgu kc tqyrputrngr nipna.

Sam 37:34

Wz zvz mz nzabrtr-krbzmu drtwrmu bade, Murde sa nangi nyzmu drtc' kc tqpile nakabzle bamu mz nzamatq-krde nimu. X sa namcamu nzmaneutipx-krde kxdrka'-ngrng. Xlrmamu natqnge. Mcx kzdq ncblo kxdrka'ngr kxtrka-esz'ngr, x atrkati-zvzle leplz. Xplr-esz'ngr x obqszo-ngrde leplz amrlx. X kxmule-esz' rtangrtix nide, a' trmcpewxu, murde mrbrpe.

Sam 40:1

Yawe, sc tqaenzli-lrpipebo bam nzokatr-krm ninge. X mzli kc tqkqle-ngrne nim, xlrme nzkrka'-krnge.

Sam 62:1

Gct txpwz kx mnc-xgle-zvzx mz nabznge, Murde nzmnc-zpwx-krnge vzpxm bade.

Sam 62:5

Gct txpwz kx mnc-xgle-zvzx mz nabznge, Murde nzmnc-zpwx-krnge vzpxm bade.

Nrpakxmrlz Kx Yr Luk 2:25

Mzli lcde kzdq kc ncblo mncne mrkc Jerusalem, drtqde Simion, kc tqtubq-esz'ngr mz nzobqkr Gct. Amatqle Gct mz da amrlx. X sc tqaenzlile nzvz-krm Kxnzmcpx mz nzarlapx-krde lr Israel. X Mqngrkxtr kc tqmncpxm bade,

Nrpakxmrlz Kx Yr Luk 2:38

X mz nabznepi lcdepwz tqmncngr Simion badr Josip x Mxri, Ana kc tqkaputrpe-kzpz mrkc tzmnc-ngrdr. Kx xlrpele natq Simion, sc tqawipebz mz Gct mz nzatwzlr-krmle Kxnzmcpx nede. X sc tqycmnetrpe-ngrde doa kc topwz, murde naxlrbz leplz kcng tzobqtipxlr Gct nzarlapx-krde lr Jerusalem, x lr Israel amrlx. X tresakiu nzpi-krbzlele mz leplz kxkqlu.

Aposol 28:15

Lrmakxtr kx nzmncng mzteadau Rom nzxlrlr nzvz-krbzkr. Zbz sc tzrtangrtinepebzlr nigr, murde navebzlr nigr Rom. Nzvzbzng x kzdung nzrmctilr nigr mz mztea Apizs mrkc nzamwangr da, x kzdung nzrmctilr nigr mz kzdq mztea drtqde ‘Ma Nyz Lrnarnrlc Kcng Tq.’ Kx mc Pol nidr, apqtrpzle drtwrde, x awitxbz mz Gct.

Nzryr-krbz Pol Mz Lr Rom 8:25

A' obqtipxku da kcng trtwzkaku. X aenzliku mz drtwrgu kx br kx sa natwzkung kalr.

1 Korint 16:13

Aclvetio-lzbqamu! X tu-amqngi-zvzamu mz nzrlxngiti-krmu. Kxmule-esz' da kx prtz, a' nelzmu nabr.

Efiszs 3:16

Mz da lcng tqmrlzting, rlxtibo bade nzka-krbzle bamu zmatq ngr Mqngrkxtr mz nzaxplr-krde nimu navzo la mz nabzmu.

Efiszs 6:10

Natqnge kx nzrmnr-ngrbzng nidr seleng. Mnctr-amqngibzmu mz Kxetu rgu, murde narngiscmu zmatq mz nzaxplr-krde nimu.

Filipae 4:13

Krlzx nzalengr da amrlx mz nzvz-nqblq-krde me pnz drtwr Gct, mz nzokatrkr Jiszs Kxnzmcpx.

Kolosia 1:11

X krka'-kz-ngrgr kx nzetukr zmatq ngr Gct na-axplr-zlwzle nzrlxngiti-krmu, kxmule-esz' da kx prtz, a' natu-amqngi-zvzamu mz nzabrtzngr.