Sam 27:1 - Natqgu

¹ Yawe, nim Mevalu rnge kx arlapx-zvzle ninge. X trpnzngr kx namwxlrtix. Trnarnrcti-lzbq-ngrneu murde nim lrpalvc nyznge.

Sam 27:1 ပူးပေါင်းရင်းမြစ်များ

Sam 11:1

Kztengeng, Yawe nide me rlakitrx. A' myx kxmule tqrpi-ngrnamu kx, “Ngrlrlz mz newz mz nzrlapx-krm.

Sam 118:21

Mz nzvztrkr King elr, rpile kx, “Yawe, awi-zvzbo bam murde ayzlu-ngrme nzkrka'-krnge, Mz nzarlapx-krme ninge mz mq enqmi rngeng.”

Sam 118:6

Trtxpnzngr nzmwxlr-krnge, murde Yawe tu-zvzm mz nibrnge. X trtxpnzngr leplz kx krlzle nzatrkati-krde ninge.

Sam 18:28

Yawe, nim nou nzlu-krnge, mz nzapu-krm kxrtekatr lam pnrnge. X ayrkrpxq da kxtrka amrlx mz nzmnc-krnge, mz nzapu-krm zyzlr x nyr kxpq.

Sam 18:29

Gct, rka-zvzme bange zmatq ngr nzota-krgr badr enqmi rngeng. X axplr-zvzq ninge mz nzdwa-ngaletr-krbo nabxbz ngr lrpalvc nyzdr.

Sam 18:46

Yawe, nim Gct kx lu. Glqpxx nim murde nim butqbr nyznge. Glqlz-zvz-ngrne nim murde arlapx-zvzq ninge.

Sam 19:14

Yawe, nim butqbr kx rlakitrx. Krka'-ngrne kx natqngeng x nzaotikr drtwrnge navz-nqblq-zvzlr me pnz drtwrm.

Sam 3:8

Yawe, nim nou nzarlapxngr, X da kxmrlzting amrlx kabzme mz leplz nemqng.

Sam 43:2

Nim me rlakitrx. ?Memule tqrlasz-ngrn ninge? ?X memule tqkxpu-zvz-ngrne Mz nzaetqti-krm enqmi rngeng drtqnge?

Sam 62:2

Nide butqbr nyznge x mevalu rnge. Nide lrpalvc nyznge kx tu-amqngio-ngrne.

Sam 62:6

Nide butqbr nyznge kx abrkitrx drtwrnge. Nide lrpalvc nyznge kx tu-amqngio-zvz-ngrne.

Sam 84:11

Murde Yawe, nim King rgr kc tqbatrple nzamatqngr nigr. X nim temz ngr lomrgr kc tqyrputrngr nipna. X aclveq nigr mz zmrlz ngrm, Mz nzrlrpx-zvz-krbzme da kxmrlzting mz kxnztubqng.

Matiu 8:26

A' rpibz Jiszs badr kx, “?Memule tqmwxlrtx-zlwz-ngrnamu? ?X memule nzlxngiti-krmu ninge tqtopwzbe-ngrde?” Zbz tulzm, sc tqlclvzpele nenq x dxka. X mzli kcpwz nrwx otx pnz.

Nrpakxmrlz Kx Yr Luk 2:30

mz nzmctx-angidrpe-krnge mz mzke' Mevalu nem kc tqatwzlr-ngrme mz nzarlapx-krde leplz.

Nrpakxmrlz Kx Yr Luk 3:6

Murde leplz amrlx namclr Mevalu kc tqatwzlr-ngrm Gct!’”

Nrpakxmrlz Kx Yr Jon 1:9

Jiszs ni-angidrde Zyzlr kc navzm mz nrlc. X mz nzvz-krmle, sc tqayzlrpe-ngrbzle nabz leplz amrlx.

Nrpakxmrlz Kx Yr Jon 8:12

Jiszs rpi-mopwzle mz leplz kcng tzmncng Mangr-nzangiongr lc kx, “Ninge zyzlr ngr lr nrlc. Doa kx vz-nqblqmle ninge tralepeu alwx, a' sa nalxngitile da angidr mz nzrmcti-krde nzlungr kxmrna.”

Nzryr-krbz Pol Mz Lr Rom 8:31

Mz nzmc-krgu da amrlx lcng tqalem Gct bagu, nakrlz-kzku kx trpnzngr kx na-aovxiole nigu murde tu-zvzle mz nibrgu.

2 Korint 12:9

A' rpimle kx, “Zmrlz rnge kxmyalz takitr-zvzde nzokatr-krde nim, kxmule-esz' da kx nzprtzng. Murde zmatq rnge wz angidr mz nzmnc-xgle-krm ninge mz mzlir nzkxpu-krmqng.” X mz nzlxngiti-krnge da lc, abrtzlvzx nzngini-krnge ncblo kxmane. Delc tqgqlpx-lzbq-ngrne mz da lc, murde zmatq ngr Kxnzmcpx na-aelwapx-ngrne mz nzlu-krnge.

Filipae 4:13

Krlzx nzalengr da amrlx mz nzvz-nqblq-krde me pnz drtwr Gct, mz nzokatrkr Jiszs Kxnzmcpx.

Hibru 13:6

Mz nzmu-krde lcde, nelzgu nabr mz nzrpi-krgu kx, “Trtxpnzngr nzmwxlr-krnge, murde Yawe tu-zvzm mz nibrnge. X trtxpnzngr leplz kx krlzle nzatrkati-krde ninge.”

Nzaelwapxngr 21:23

X Mzteadau lc tryzlr-ngru mz zyzlr ngr nepi o temz, murde zluli r Gct ncdr Nei Sip, dela na-angrlxpele nide.

Nzaelwapxngr 22:5

Trpnzngr nrlckxbq mrlcde, x trnzsutiu drtwrdr zyzlr ngr nepi o lam, murde Kxetu Gct sa nayzlrpx-ngrbz badr. X leplz lcng sa nanginipe-kzdr king x nzaclve-krdr tqvzpe tqvzpe. X da kx mc-rmnr-ngrbo nide lape.

Nzaelwapxngr 7:10

Zbz sc tzetumipe natqdr nzrpi-krdr kx, “Nzarlapxngr vzpxm mz Gct rgr kc tqwxbuom mz tron, nimu ncdr Nei Sip.”