Sam 25:9 - Natqgu

⁹ Kxrmailz, aelwapx-ngrbzme mz kxnzavzo-lzbqng da kxtubq. Kxakrlz, alvztr-zvz-ngrn nidr me pnz drtwrm.

Sam 25:9 ပူးပေါင်းရင်းမြစ်များ

Sam 119:35

Abrtz-ngrne lrpzki rm Mrkc tqmailz-zvz-ngrn ninge.

Sam 119:66

Kxakrlz, alvztrp bange nzrkrlzngr x drtwr kxmrlz, Mz nzlxngiti-krnge Nzryrngrkxtr.

Sam 143:10

Gct rnge, alvztrp bange nzale-krnge me pnz drtwrm. X rtwayzm bange mz zmrlz ngrm, murde namnc-zpwxx.

Sam 147:6

Atubxlzle kxnzobqszong, A' rnzbrtiole kxdrka'-ngrng mz drtc'.

Sam 149:4

Murde Yawe abrtz-zlwz-ngrde nigu leplz nedeng, X aovxiole enqmi rgung mz nzmnc-xgle-krgu nide.

Sam 22:26

X mz nibrde, sa nakrlcng mz dakxnzng kx vzpxm mz blz kc tqkabo bam. X sa naglqlzlr nim mz nzbrtikr drtwrdr nim. Amrlz-zvzbz nidr mz nzmnc-zpwx-krdr.

Sam 23:3

Amrnaq nzlu-krnge. X aelwa-zvz-ngrme lrpzki kxtubq, murde drtqm tr zlwz.

Sam 27:11

Alvztrp nqmq krmqng bange. X mailz ninge mz nzo-zli-zvz-krnge nzti kx tubq murde enqmi rngeng sa tzaukztilr ninge.

Sam 73:24

X vz zvz nzmailz-krm ninge mz nzalvztr-krm ninge. Murde naprtrx mz nzarmyalz-krm ninge kalr.

Matiu 5:5

“Ngi da kxmrlz nzavzo-lzbq-krmu, murde Gct sa nakabzle bamu zmatq mz nzaclve-krmu mz nrlc.

Nrpakxmrlz Kx Yr Jon 14:6

Rpibz Jiszs bade kx, “Ninge lrpzki, da angidr x nzlungr. Ninge lrpzki kc nao-zli mz nzrkrlz-ngrbz Heven. X ninge kx na-aelwapx-ngrbz da angidr kx vzpxm mz Gct. X ninge kz nou nzlungr kxboi. Mz nzmu-krde lcde, trpnzngr kx navztxnebz mz Trtenge, a' navzki-kaiple bange.

Aposol 13:10

Rpibzle kx, “Nim doa ne Setzn x enqmi r da kxbrngz. Apokiatiq leplz x esabrtiq nidr! X tresakiu nzangaluti-krm nztubqkr Gct mz nzpokia-krm.

Aposol 9:2

X rlxtibzle nayrbzle kcng letz mz kxnzrmailz ngr mangr-nzkrka'ngr nyz lr Jiu mz taon kxetu Damaskzs. Murde nalolvzle lr Jiu kxnzvz-nqblqlr ‘Lrpzki r Kxetu,’ x navzmile nidr Jerusalem mz nzadwatr-krde nidr mz presin.

Hibru 10:20

aelwapx-ngrmle bagu lrpzki kxmrna kc tqlvxpxpemle bagu lotqbr kc tqapqbrle Mrkc Tqtr-esz'ngr. X alele da lc mz nrkrdrtqde kc tqbzom mz kros x tqtulz-mop.

Jemes 1:21

Mz nzmu-krde lcde, esablqtiamu da kx nzatrkatilr nabzmu x rtctx-ngrnamu nzngyatikr drtwrmu leplz mz nzmailz-krde nimu mz alwx. Avzo-lzbqamu mz nzlxngiti-krmu natq Gct kc tqayzuole mz nabzmu, murde natq lcng nzkrlzlr nzarlapxngr nimu.

1 Pita 3:15

A' abrtrpzmu drtwrmu mz Jiszs Kxnzmcpx mz nzngini-krde Kxetu rmu. X oliq-zvzamu nzayzlu-krbzmu natq krkcng tzveatibzlr kx memule tqlxngiti-ngrnamu Jiszs x nike tqobqtipx-ngrnamu nzlungr kxboi. A' amatqamu nidr x ayzlu-ngrbzmu natqdr mz nivz.

1 Pita 3:4

A' nzlxngipx-krmu navzpxm mz nabzmu. Murde nzlxngipxkr nabz rblx nzyrkrpx-krde mzli kc nanginipe-ngrmu blang. A' nzlxngipxngr kx vzpxm mz nabz kx vz-nabu x avzo-lzbq ngi da kx myapx-esz'ngr mz nzobqkr Gct.