Sam 25:8 - Natqgu

⁸ Jzs-zvzq leplz mz nzmncngr kxmrlz x kxtubq. Jzsiq mz nzalvztr-krm kxnzaleng alwx, murde nao-zlilr nzti rm.

Sam 25:8 ပူးပေါင်းရင်းမြစ်များ

Sam 119:68

Mz nzmrlz-esz'ngr-krm x nqmq krm kx mrlzvxi Alvztrp bange nqmq krm.

Sam 32:8

Rpim Yawe kx, “Sa na-aelwa-ngrbo bam lrpzki kc nao-zliq, Mz nzmailz-krnge nim.

Sam 92:15

Krlc aelwapx-ngrde nzmrlzkr Yawe, X nztubq-krde mz nzngini-krde butqbr kc tqrlakitrx.

Matiu 9:13

Na-aoti drtwrmu drtwr ngr Nzryrngrkxtr kc tqrpile kx, ‘Da kx mrlzm bange, doa nengeng nayc mz drtwrdr leplz mz nzokatr-krdr nidr namyaszpxle nzrka-krmlr bange blz.’ Murde trvz-ngrpwc'u nzrkqlengr leplz kx nzrpilr nztubqng. A' vz-ngrmc nzrkqlengr kxnzaleng alwx, murde naesablqtilr alwx ngrdrng.”

Nrpakxmrlz Kx Yr Luk 11:13

Nimu kcng trnztubq-zvzung krlzamu nzale-krmu da kxtubq mz nzrka-ngrbz da kxmrlz mz doa nemung. A' da kx myapxbz, Trtemu kc Heven, krlzle nzale-krde da kxtubq mz nzka-krbzle Mqngrkxtr mz krkcng nzrlxtibzlr bade.”

2 Korint 4:6

Mzli kc tqwzngr Gct nrlc, rpile kx, “Zyzlr nayzlrpx-ngrm mz nzlo.” Mz nqmq lcpwz, Gct katxde da kx akamrbr-ngrbzle nqmq nr drtwrgu, mz nzayzlrpx-krmle nzalvztrngr angidr mz drtwrgu, murde nargu nayrplatitrlr drtwr ngr nrpa ngrde. X mzli ka mz nzkrlzpe-krgu Jiszs Kxnzmcpx x nqmq krdeng, nakrlz-kzku kx nqmq kr Gct mrlz-esz'ngr.

Jemes 1:5

A' doa kx trkrlz-zpwxleu da kx na-alele narlxtibzle nzyrplapxngr mz Gct. Murde Gct abrtzlvzle nzrka-nrbalq-krbzle nzyrplapxngr mz krkcng amrlx tzrlxbzng bade.