Sam 24:4 - Natqgu

⁴ Leplz kx nabzdr lq x nzmnc-krdr tubq Nztakitrdr nzodutr-lxblr-krbzlr mz Yawe. Natqdr nzangidati-zvzlr. X trnzangiolru mqngr da kx nzlz.

Sam 24:4 ပူးပေါင်းရင်းမြစ်များ

Sam 143:8

A' pi-zvzm bange mz rngalx kang kqlu kx aodu-zvzq ninge, Murde abrtrpo drtwrnge bam. X mailz ninge mz lrpzki kx nao-zlix, Murde mnc-xgle-zvzx nim.

Sam 15:4

Napxtxpx-ngrde kxdrka'-ngrng. A' na-amatqle kxnzamrluelr Yawe Gct. Na-atutr-zvzle nzesalz-krdeng, Kxmule-esz' rblxbz bade.

Sam 18:20

Yawe rka-zvzm bange da kxmrlzting mz nzvz-nqblq-krde nztubq-krnge. X ayzlu-ngrmle da bange murde nabznge lqngi.

Sam 25:1

Awi Yawe mz nzngini-krm Gct rnge. Abrtr-zvzbo drtwrnge bam mz nzkrka'-krbo bam. Bzkq rlr-ngrbzme mz enqmi rngeng nzaovxio-krdr ninge. Bzkq nzamyatimlr drtqnge.

Sam 26:6

Yawe, ycpqx mqnge mz nzvz-nqblq-krnge Loukxtr scm, murde natubqbo mz nzobq-krm, X naprtrpo mz leplz nemqng mz nzvz-ngale-krgr olta nyzm.

Sam 51:10

Gct, tekqtrpz nabznge murde natubqx, X amrnale mqngrnge murde navz-nqblqx nim.

Sam 51:12

Okatrp ninge murde na-abrtz-mou-ngrne nzarlapx-krm ninge, X drtqnge navq mz nzvz-nqblqngr natqm.

Sam 73:1

Kxmule-esz' rpiku kx, “Gct mrlzti nivz lrde nigu lr Israel, X amrlzle kx nabzdr lq,”

Matiu 5:8

“Ngi da kxmrlz nztubqkr nabzmu, murde sa nakrlz-angidramu Gct x nqmq kxtubq.

Aposol 14:15

mz nzrpi-krbzlr kx, “?Memule tqale-ngrnamu bagr da lc, kx ncblo lcng? Ninegr ye ncblo, leplz kx apule nimu! Mnc-ngrgr mrka napipxbzkr bamu Nrpakxmrlz, murde naesablqtiamu nzangio-krmu da lcng tqwz-ngrnamu, x na-angioamu Gct kc tqlu tqmnc zvz, krkc tqwz-ngrde bongavz, nrlc, prla x da amrlx kcng tzyrlwrpxmqng elr.

Aposol 15:9

Nike waisr-ngrde nidr trblepxu mz da kc tqwaisr-ngrde nigu. Murde alqngi-kzpzle nabzdr mz nzlxngiti-krdr Jiszs.

2 Korint 7:1

Mzlengeng x inwengeng, mz nzaotikr drtwrgu da lcng tqesalz-ngrmle bagu, naesakipe nzale-krgu alwx amrlx, kxmule-esz' mz nrkrdrtqgu o mz nzao-krgu drtwrgu. X mz nzmyatitr-krgu Gct, nztubqkr nzmnc-krgu naetunepx zvz.

1 Timoti 2:8

X suti zlwz drtwrnge kx ncblo neng Kraes ngr mrlcng amrlx nakrka'ng. Murde nzkrka'ngr atubxlzle nzwzkr Nrpakxmrlz. Bzkq ncblo nzbubzlr mqdr mz enqmi rdr, a' naglalzbzlr mqdr mz Gct mz nzkrka'ngr kxtr.

Jemes 4:8

Esablqtiamu alwx ngrmung x rlr-ngrbzmu mz Gct nzalqngi-krde nabzmu, murde trvz-nqblqwamuu nide mz nabzmu atwrnrngr. Mnc-aepztrpzmu bade, murde namnc-aepztr-kzpz bamu.

Nzaelwapxngr 21:27

A' trtxpnzngr da kx trtakitrdeu mz nzobqkr Gct kx naprtrpzng mz Mzteadau, x trpnzngr leplz kx nzrtrngz-abeaneng da kx myangr drtq, x kxnzpokiang. A' nangi txpwz krkcng drtqdr tzyrope mz Buk ngr Nzlungr sc Nei Sip, nidr lang kx naprtrng elr.