Sam 23:1 - Natqgu

¹ Yawe, aclve-zvzq ninge apux sip nem. X trtxpnzngr da kx mnctxpx-ngrne.

Sam 23:1 ပူးပေါင်းရင်းမြစ်များ

Sam 34:11

Mrlxngeng x inyxngeng, lalztqmamu bange, Murde na-alvztrpo bamu kxnamu nzamrluengr Yawe.

Sam 78:52

Mz nibrde sc tqrtwayzpebz mz leplz nedeng mz nzrlasz-krdr Ijipt. X mailztrle nidr lzke mz nzapu-krdr sip nedeng.

Sam 79:13

Murde apukr sip nemqng, X sa na-awi-zvzpebzkr bam mz nzglqlz-alo-krgr nim.

Sam 84:11

Murde Yawe, nim King rgr kc tqbatrple nzamatqngr nigr. X nim temz ngr lomrgr kc tqyrputrngr nipna. X aclveq nigr mz zmrlz ngrm, Mz nzrlrpx-zvz-krbzme da kxmrlzting mz kxnztubqng.

Matiu 6:33

X narlr-lzbqbzmu mz nzmnclz-ngrbz bade x mz nzvz-nqblqngr natqde, x mz nibrde da lcng sc tqkape-kzpzle bamu.

Nrpakxmrlz Kx Yr Jon 10:11

“Da angidrtx lc napibo bamu. Ninge kz Kxaclve-angidrle sip. Murde Kxaclve-angidrle sip rlrpx-lzbqngr mz nzbz-krde mz nzarlapx-krde sip nedeng.

Nrpakxmrlz Kx Yr Jon 10:14

Ninge Kxaclve Angidr sip. Krlzx sip nengeng x nzkrlzlr ninge, da kc tqwai nzkrlzkr Trtenge ninge x nzkrlz-krnge Trtenge. X rlrpx-lzbq-ngrne mz nzbz-krnge nidr.

Nzryr-krbz Pol Mz Lr Rom 8:32

X krlz-angidrku kx sa naka-kzple bagu da amrlx kcng tqpimle, murde trlolvzleu Mrlxde kc esz'txu, a' atwzlr-ngrmle nide mz nztekqtr-krde nigu amrlx mz nzbzngr.

Filipae 4:19

X Gct rnge sa nakabzle bamu da amrlx kx takitrde nzmnc-krmu, mz nzaxvctr-krbzmu mz Mevalu Jiszs, murde nide bcnyr kx myapx-esz'ngr.

Hibru 13:20

Krka'-ngrne kx Gct kc tqngi nou nzmnc-zpwxngr nakabzle bamu da amrlx kcng trpnzngr bamu mz nzale-krmu me pnz drtwrde. X nabatrpzle bamu nzaelalz-krmamu drtwrde, mz nzokatrkr Jiszs Kxnzmcpx. Murde Gct yrlqpele Nzesz'tikr Drtwr Kc Ate tqyc tqyc, mz nzyrlekr mepyr ngr Kxetu rgu Jiszs. X atulz-mople nide mz nzbzngr, murde nanginide Kxaclve Sip Kxmyapxbz. X nzrglqlzngr Mevalu Jiszs navz zvz. Eu, angida.

1 Pita 2:25

Mzli kc apuamu sip kx nzmrbrng kcng tzmnc-rlrubzng mz kxetu rdr. A' mzli ka yzlupebzmu mz Kxetu kc tqaclve-angidrle nimu mz nznginipe-krmu sip nedeng.

1 Pita 5:4

Murde Jiszs nide kxetu r kxnzaclvelr sip nedeng. X mzli kc nayzlu-ngrmle, sa nakabzle bamu da kxmrlz kx nayc alo mz nzprtr-krmu mz nzmyalz-krde.

Nzaelwapxngr 7:17

Murde Nei Sip kc tqtavau mrkc tqlxlvrkipx tron, sa na-aclvele nidr na-apule ncblo kxaclvele sip nedeng x namailzle nidr mz aulz ngr lue ngr nzlungr. X Gct sa naycpqpxbzle drlemztr amrlx, murde naesakingr nzvzkr drtwrdr.