Sam 20:1 - Natqgu

¹ Yawe, nim Gct r melrmqgr Jekop. X krka'-ngrgr kx na-ayzlume natq king rgr. X mzli kc nakxpu-ngrde okatrpz nide.

Sam 20:1 ပူးပေါင်းရင်းမြစ်များ

Sam 114:2

Lr Judz lcng tznginipedr leplz kxnztrng ne Yawe, Mz nzaclve-krde drtc' nyzdr, Israel.

Sam 138:7

X kxmule-esz' nzkxpungr nzprtzmqng bange, a' amnc-zpwxq ninge. X tu-zvzme mz nibrnge mz nzngyatikr drtwr enqmi rngeng ninge. X arlapxq ninge mz zmatq ngrm.

Sam 18:2

Nim Gct rnge, x butqbr kx rlakitrx. Nim lrpalvc nyznge peto, X Mevalu rnge kx arlapxle ninge. Nim nou zmatq rnge apule temz ngr lomrnge kc tqyrputrngr nipna.

Sam 41:1

Namrlzbz mz doa kcng tzmrlztilr leplz kxnzmaneng, Murde Yawe sa naokatrle nidr mzli kc nakxpu-ngrdr.

Sam 46:1

Gct kc tqmyatxlz, nide me rlakitrku x axplrle nigu, X mz nzkqle-krgu nide mz mzli kx nzkxpungr, okatrle nigu.

Sam 46:11

Yawe kc tqrninr mncpem bagu, X nide lrpalvc nyzgu.

Sam 46:7

Yawe nide ngrlrvea ngrgu, X nide lrpalvc nyzgu.

Sam 50:5

X rpibzle mz lr Heven kx, “Vzmimamu krkcng tzlxngitilr ninge, X drtwrgr badr tqesz'ti mz nzangc-krmlr bange blz krdr, murde nayrlwr-ngalelvzlr ninge.”

Sam 60:11

Gct, okatrp nigr mz nzota-krgr badr enqmi rgrng mzli ka. Murde mane nzmnc-xgle-krgr ncblo nzarlapx-krdr nigr.

Sam 83:18

X mzli lc, sc tzkrlz-atepelr kx nim txpwz Gct kc tqmyatxlz-esz'ngr x drtqm Yawe. X nim King kc tqaclvele nrlc tulvzo.

Sam 9:10

Gct, krkcng tzkrlzlr nim nzabrtrpzlr drtwrdr bam. Itoto x doa amrlx kcng tzrtangrtilr nim, trmrbrtru mz drtwrm.

Hibru 5:7

Mzli kc Jiszs tqmncbe-ngrde mz nrlc, krka'bz mz Gct kc tqrkrlz nzarlapxngr nide mz nzbzngr x rlxbz da bade mz nzyrni-krde vzmi drlemzte. X ayzlubz Gct natqde murde Jiszs avzo-lzbq mz nzmnclz-krbzle bade.