Sam 18:50 - Natqgu

⁵⁰ Yawe, ninge Devet, king nem, x okatr-zvzq ninge mz nzaovxio-krngeng. Aodu-zvzq ninge kc tqmcpxq x leplz ngr nqvi lrnge, tqyc, tqyc.

Sam 18:50 ပူးပေါင်းရင်းမြစ်များ

Sam 132:10

Yawe, mzli ka bzkq pxtxpx-ngrn king rgr kc tqmcpxbzme, A' atutr nzesalz-krbzme mz kxnzawz nem, King Devet.

Sam 144:10

Murde okatr-zvzq king nemqng mz nzaovxio-krdrng. X sc tqarlapxpebzme ninge mz toki r vea kxmalc, murde ninge kxnzawz nem.

Sam 2:6

Murde rpile kx, “Yrlqpex King kc tqmcpxpex Jerusalem Mrkc Saeon, newz kxtr nyznge.”

Sam 57:10

Murde nzaodu-zvz-krm myalz krlzlzle bongavz, X nzangidati-zvz-krm natqm.

Nrpakxmrlz Kx Yr Luk 1:69

X atwzlrpe-ngrmle bagu Mevalu kxmatq kx vzpxm mz nqvi lr King Devet, ncblo nede.

Nzryr-krbz Pol Mz Lr Rom 1:3

Nrpakxmrlz lc ycmnetr-ngrde Mrlxde, Kxetu rgu Jiszs Kxnzmcpx. Mz nzngini-krde leplz, nzmikapx mz nqvi lr King Devet. Kxmule-esz' nide leplz, a' Gct aelwapx-zpwx-ngrde mz zmatq ngrde kx xplr kx Jiszs ni-kzde Mrlxde kc tqtr-esz'ngr. X alele da lc mz nzatulz-krmle nide mz nzbzngr.

Nzryr-krbz Pol Mz Lr Rom 11:29

X trtekqtrleu drtwrde mz leplz kcng tqkqleleng tqamrlzleng.

Galesia 3:16

Gct esalz-ngrbzle da lc mz Ebraam x mz doa nede. Tresalz-ngrpwzleu mz doa nedeng, kcng tzngi lr Israel. A' mz Nzryrngrkxtr rpibz Gct mz Ebraam kx, “Mz doa nem.” Ycmnetile doa esz'txu, kc tqngi Jiszs Kxnzmcpx.