Sam 18:30 - Natqgu

³⁰ Nqmq kr Yawe tubq-esz'ngr, x natqde ngi da angidr zvz. X nginibzle lrpalvc nyzdr krkcng tzrlatrpzng bade.

Sam 18:30 ပူးပေါင်းရင်းမြစ်များ

Sam 119:140

Nzesalz-krm pq zlwz mz drtwrnge Murde angidati-zvzme bange.

Sam 12:6

Yawe, abrtrpzkr drtwrgr mz natqm lcng, tqtubq tqlq. Murde nzopx-krdr apule silvz kc tzayrleni-ebirngr mz nyr.

Sam 17:7

Delc na-aelwa-ngrme bange nzaodu-krm kc tqyc tqyc. Murde mzli kc tzrlatr-ngrbz leplz bam, arlapxbzme nidr mz mq enqmi rdrng.

Sam 18:2

Nim Gct rnge, x butqbr kx rlakitrx. Nim lrpalvc nyznge peto, X Mevalu rnge kx arlapxle ninge. Nim nou zmatq rnge apule temz ngr lomrnge kc tqyrputrngr nipna.

Sam 25:10

Lrpzki rmqng amrlx nzaelwapxbzlr mz leplz nemqng nzaodu-krm x nzangidati-krm natqm. Leplz lcng nzyrlq-zvzlr nzalvztr-krm x nzesz'tikr drtwrmu badr.

Nzryr-krbz Pol Mz Lr Rom 12:2

Bzkq rlr-lzbq-ngrbzmu mz nzvz-nqblq-krmu nqmq kr lr nrlc, x bzkq drtwrmu esz'ti badr. A' rlr-ngrbzmu mz Gct nztekqtr-krbzle nqmq nr drtwrmu, murde navz-nqblq-alzuamu me pnz drtwrde. X mz nzale-krmu da lc, nakrlz-zvzamu me pnz drtwrde. Krlc da kx mrlzbz bade, aelalz-ngrmle drtwrde, x tubq mz nzobq-krde.

Nzaelwapxngr 15:3

X nzngr-ngrdr nabz ngr nzmyalz-esz'ngrkr Gct mz nzarlapx-kai-krde leplz nedeng mz kxnzawz nede Mosis, x mz Nei Sip kc ate. Nzrpilr kx, “Yawe, Gct kc tqrninr, King abzo mzli kc bqnc Krlzmle mzli ka, nzwz-krmqng myapx- Esz'ngr x kctipxkrng. Nqmq krmqng da angidr, X tubq-esz'ngr. Leplz nzamrluelr nim. X trpnzngr kx napxtxpx-ngrde Nzglqlz-krde nqmq krm. “Nim txpwz kxtr-esz'ngr, X nzamrluelr nim. Trpnzngr leplz kx napxtxpx-ngrde Nzglqlz-krde nqmq krm. Murde nqmq krmqng kxtubq, Lr nrlc amrlx sa navzmqng Mz nzangio-krdr nim. Murde aelwapxpe-ngrn nqmq krmqng kxtubq, Tubq-esz'ngr, eu.”