Sam 18:3 - Natqgu

³ Kqle-zvzx nim kc tqtakitrde nzrglqlzngr, X vzme arlapxq ninge mz mq enqmi rngeng.

Sam 18:3 ပူးပေါင်းရင်းမြစ်များ

Sam 144:1

Yawe, glqpxx nim, murde nim butqbr nyznge. X alvztrpe' bange nzrpnangr x axplrq ninge mz nzotangr.

Sam 145:3

Clveq nrlc mz zmatq ngrm kx trpnzngr kxrkrlz. Yawe, myatxlz-esz'ngrn x takitrde nzrglqlzngr nim.

Sam 3:4

Delc tqrlxti-ngrbo nzokatr-krm ninge, X ayzluome natqnge mz newz kxtr nyzm.

Sam 31:4

Bzkq rlr-ngrme nzprtz-krnge mz trtxki kc tzamwi-kapq enqmi rngeng, Murde nim me rlakitrx.

Sam 48:1

Yawe myatxlz-esz'ngr. X takitrde nzglqlz-krgu nide Mz mzteadau nyzde kc tqycom Saeon, newz kxtr nyzde.

Sam 50:15

X mrlz nzkrka'-krmamu bange mzli kc tqkxpu-ngrnamu, Murde naglqlzamu ninge kalr mz nzarlapx-krnge nimu.”

Sam 55:16

Yawe, mzli kc nayrni-ngrbo bam, Krlzx kx sa na-arlapxq ninge.

Sam 62:3

Delc nimu kxdrka'-ngrng bzkq tz-zvzpeamu ninge mzli ka trxplrpewxu. X bzkq apusr-ngrnamu ninge nzawxo-krmu ma kx blzlongr.

Sam 62:8

Leplz nengeng, mz nzangidati-krbzle da kx yc mz drtwrmu, na-abrtxtrpwzmu drtwrmu bade. Murde nide txpwz me rlakitrku.

Sam 71:3

Nangini-kzp me rlakitrx mz nzmnc-kapqtr-krbo bam. Murde nim butqbr x lrpalvc nyznge.

Sam 76:4

Gct, nim Ngrlrvea kxmyatxlz zlwz. X myaszlzq newz kcng bqnc tzmyatxlzng.

Sam 91:15

Mz nzkqle-krde ninge, sa na-ayzlubo natqde. Kxmule-esz' da kx prtz, a' sa namnc-aepztrpo bade, X sa nakatxpxx nide mz nzkxpu-krdeng, X sa na-armyalzx nide.

Sam 91:2

X narpibzme mz Gct kc tqrninr kx, “Nim Gct rnge kc tqabrkitrx drtwrnge, Mz nzapu-krme bange lrpalvc kx rlakitrx.”

Sam 96:4

Takitrde nzrglqlzngr Yawe kc tqmyalz-esz'ngr, Murde nzmrlue-krde namyaszlzle kxnzmncng mzlilxlr amrlx.

Nrpakxmrlz Kx Yr Luk 1:71

kx na-arlapxbzle nigu mz mq leplz kcng tztrkalr-ngrdr nigu.

Aposol 2:21

Zbz doa kx abrtrpzle drtwrde mz Kxetu sa narlapx mz nzayrplapxngr nide mz alwx ngrdeng.’

Nzaelwapxngr 4:11

Nzrpibzlr kx, “Yawe, nipem Gct rgr. X takitrde nim Nzrglqlzngr, nzangiongr, X nzrpipxngr zmatq ngrm. Murde wz-ngrn doa amrlx, X da amrlx mz nrlc. X mz nzwz-krmqleng Nzmnc-krdr x nzyc-krdr, Nzvz-nqblqlr me pnz drtwrm.”