27 Avzdzq krkcng tzavzo-lzbqng. X avzoq krkcng tzglqlz-lzbqng.
Rblx nzrtangrti-krde Gct murde glqpx-lzbq. Rblx nzrmcti-krde Gct murde mz drtwrde trtxpnzngr Gct.
Sa narpwa'-ngrbo krkcng tzpikiti-awalr kxnzmnc-aepztrpzng badr. X kxnzglqpx-lzbqng trmrlzu mz nzobq-krnge.
Trpnzngr nzrycngr mz drtwr kx ycbz badr. A' nzglqpx-lzbq-zvzng.
Yawe, otaamu badr enqmi rngeng x aovxiong. Kapxm ninge mz mq kxdrka'ngr lcng mz zmatq ngrm. Arlapx ninge x ayrkrtxtr nidr. Murde nzabrtz-krdr yc txpwz mz nrlc ka. Ayrplapx leplz ngr nrlc mz zvetq kc tqoliqtipeq nakabzme badr, Navz navz nakrlzbzle doa nedrng x doa ne doa nedrng.
Wzpxtx zlwz nzkxpukr ncblo kxtubq. A' Yawe sa na-arlapxle nide mz da lcng amrlx.
Gct, mzli kc nzmnc-krnge tqtrka-ngrde, arlapxq ninge, Mz nzatutr-krm nzkrka'-krnge.
Kxetu, trxplrwxu x trpnzngr scnge zmatq. Bzkq mrbrtr mz drtwrm ninge. Murde nim txpwz Mevalu rnge. Bzkq asaq nzokatr-krm ninge.
Nzmu nakxpung, trtxpnzngr nzmrbrtitrkr drtwr Gct nidr. Nzobqtipxngr kxtrnzrngiscung trtxpnzngr nzbotxpx-krde.
X napibo bamu, mz nibrde, ncblo lc tubqbz mz nzobqkr Gct. A' ncblo kc kz, trtingr. Murde doa kx amyalz-lzbq mzli ka, sa na-avzo Gct nide yu. A' kx avzo-lzbq mzli ka, sa na-amyalz Gct nide.”
Murde Kxetu rgu Jiszs Kxnzmcpx aelwapx-ngrbzle zmrlz ngrde kxmyalz bamu. Rlaszmle Heven mz nzngini-krde bcnyr elr, mz nzngini-alzu-krde kxtr-rngiscu mz nrlc, murde naprtr-kzamu mz da kxmrlzting sc Gct kcng tzvzpxmqng mz nzwz-krde kx etq-nrbalqngr drtq mrka.
Lalztq-angidrmamu, kx mzlengeng x inwengeng. Gct mcpxle kxtrnzrngiscung mz nrlc ka murde nabrti zlwz drtwrdr nide x natwzlr da kcng tqvzpxm bade mz nzngini-krde King rdr x narmctilr nzlungr kxboi Heven. Murde da lcng tqpipxle nakabzle mz leplz kcng tzmrlztilr nide.
