Sam 16:3 - Natqgu

³ Leplz nemqng kcng tztrng mrka mz nrlc, Nzmyalz-zlwzng x mrlz bange nzmnc-krgr badr.

Sam 16:3 ပူးပေါင်းရင်းမြစ်များ

Sam 101:6

A' kxnzlxngiti-zpwxlr nim nanginidr kztengeng, X kx nabzdr lqngi sa nawztrpqng bange.

Sam 116:15

X napipxbo badr kx, “Drtwr Yawe vztx zlwz Mz nzmc-krde nzbzkr kzdq doa nedeng. Delc tqmrlz-ngrbzle bade nzarlapx-krde nigu, Tqmyaszpx-ngrde nzrlrpx-krde nzbz-krgu.”

Sam 119:63

Ninge kzte krkcng tzamrluelr nim, Tzalelr nzalvztr-krmqng.

Sam 122:8

Yawe, rlxtibzkr bam Kx na-aclve-kzpzme lr mrnyzgr x kztegrng kcng tzmncng elr. Amrlz zvz leplz amrlx kcng tzmncng elr Mz nzmrlzti-krdr Mangr-nzangiongr nim. Eu, angida.”

Sam 30:4

Yawe, tr-esz'ngrn, x nigr leplz nemqng na-angrlvzkr nim, Mz nzawi-krbzkr bam da kx aletiqng.

Aposol 9:13

Rpibz Ananaeas kx, “A' Kxetu rnge! Xlrpex nrpa ngrde. Ncblo la atrkati-zlwzpele leplz kxnzkqlu nemqng kcng Jerusalem.

Galesia 6:10

Mz nzmu-krde lcde, naokatrku leplz amrlx mzli kx takitrde, myapxbz kztegung kcng tzrlxngiting.

Efiszs 1:1

Ninge Pol kc tqmcpx Gct mz nzngini-krnge aposol ne Mevalu Jiszs. Ryrbo bamu leplz kxnztr neng Gct kcng tzmncng Efiszs, x tzvz-nqblq-angidrlr Mevalu Jiszs.

Taetus 3:8

Nzalvztrngr lc da angidr. Delc nayapwxtipx-zpwx-ngrbzmele mz kxnzlxngitilr Gct. Murde mz nzvz-nqblq-krdrle, na-alelr da kxmrlz. Nzalvztrngr lcng nzmyalzng x takitrde nzokatr-krdr leplz amrlx.

Hibru 6:10

Murde Gct tubq zvz. X sa na-ayzlubzle bamu da kxmrlzting mz nzwzngr kc tqaleamu x nivz kc tqaelwa-ngrbzmu bade mz nzokatr-zvz-krmu lrmakxtr.