Sam 143:11 - Natqgu

¹¹ Yawe, arlapx ninge da kc tqwai nzpi-krmle murde ma tqbzx. X tum mz nibrnge mz nzkxpu-krngeng amrlx, murde tubq-esz'ngrn.

Sam 143:11 ပူးပေါင်းရင်းမြစ်များ

Sam 119:107

Okatrp ninge da kc tqwai nzesalz-krmle, Murde nzkxpu-krngeng amrlx ma tznibqlr ninge.

Sam 119:25

Drtqnge mewetx-zlwzpe x ycpe pipz nzbz-krnge. Ka-mop nzlungr bange, mz nzvz-nqblq-krde natqm.

Sam 119:37

X bzkq rlr-ngrme nzsutikr drtwrnge da kxmane, A' axplr-mop ninge mz nzo-zli-krnge nzti rm.

Sam 119:40

Esalz-ngrm bange kx na-alvztrq ninge, Murde nztubq-krm naka-mople bange nzxplrngr.

Sam 119:88

Mevalu, arlapx ninge mz nzaodu-krm ninge. Murde nayrlq-angidrx natqm.

Sam 138:7

X kxmule-esz' nzkxpungr nzprtzmqng bange, a' amnc-zpwxq ninge. X tu-zvzme mz nibrnge mz nzngyatikr drtwr enqmi rngeng ninge. X arlapxq ninge mz zmatq ngrm.

Sam 143:1

Yawe, xlrm nzkrka'-krnge x ayzlum natqnge, Murde tubq-esz'ngrn x angidati-zvzq.

Sam 25:11

Ma-nqblq natqm kc tqesalz-ngrn mz nzipqpx-krm alwx rngeng, Murde nzkqlu-zlwzng.

Sam 25:17

Trte, katxpxbz nztalvzokr nabznge. Tekqtr drtwrm x arlapxbz ninge mz nzkxpu-krngeng.

Sam 31:1

Yawe, nim me rlakitrx. Bzkq rlrpx-ngrn nzaovxiokr enqmi rngeng ninge. A' arlapx ninge, murde ale-zvzq da kxtubq.

Sam 34:19

Wzpxtx zlwz nzkxpukr ncblo kxtubq. A' Yawe sa na-arlapxle nide mz da lcng amrlx.

Sam 71:2

Lalztqm bange mz nzokatr-krm ninge. X arlapx ninge murde tubq-esz'ngrn.

Sam 85:6

Trtingr! Axplr-mop nzlu-krgr, Murde na-abrtz-ngrgr nim.