3 Yawe, mailz ninge murde ma tqrpitix natq kxtrka, A' nzycmne-krnge natubqpwz.
Obq zpwx, x bzkq pokiaq. Bzkq ycmne-atrkatiq leplz,
Yawe, pnzpe drtwrnge kx namnc-lrpitxpwo, a' bzkq alex alwx mz nzlctr-krbz drtwrnge bam mz nzkxpu-krngeng. Murde kxdrka'-ngrng lcng tzmnc-aepztrpqng bange, ma tzxtrnga-ngrdr nzlqngi-krm.
X kxmule-esz' trycmnewxu, A' nzkxpu-krngeng etunepx zvz, delc tqtalvzongr nabznge.
X glqlz-zvzx nim mz zbq kang kqlu, Mz nzyapwxtipx-krnge nzmyalz-esz'ngr-krm.
Doa kx rpile kx Gct na-abrtzlvzle nide, a' traclvetio-zpwxleu nzycmne-krde, ncblo kxmule lc pokiati-lzbq. Murde kxmule-esz' aleti-kzle kzdung da kxmrlz, a' Gct trabrtzlvzleu nide.
Vz-rbr-zvzku amrlx ngrgu. A' na-abzku nzpi-zvz-krgu da kxmrlz kxtubq. Murde doa kx trvz-rbru mz nzycmne-krde, nide mrlx kx tubq-esz'ngr, x krlzle nzaclve-lzbq-krde mz da amrlx.