Sam 140:7 - Natqgu

⁷ Kxetu rnge, nzxplr-krm arlapxle ninge. X amyaq narnge mz nzvecngr.

Sam 140:7 ပူးပေါင်းရင်းမြစ်များ

Sam 144:10

Murde okatr-zvzq king nemqng mz nzaovxio-krdrng. X sc tqarlapxpebzme ninge mz toki r vea kxmalc, murde ninge kxnzawz nem.

Sam 18:35

Yawe, apume bange temz ngr lomrnge kc tqyrputrngr nipna. X zmatq ngrm ngi popz' ngr nibrnge. Vzome murde namyalzx.

Sam 27:1

Yawe, nim Mevalu rnge kx arlapx-zvzle ninge. X trpnzngr kx namwxlrtix. Trnarnrcti-lzbq-ngrneu murde nim lrpalvc nyznge.

Sam 31:15

Arlapx ninge mz enqmi rngeng kcng tzayotilr ninge, Mz nzaclve-angidr-krm ninge.

Sam 59:17

Sa na-angrlvz-zvzx nim, Gct kc tqaodu-zvzle ninge. Murde nim lrpalvc nyznge kx xplr-esz'ngr.

Sam 62:2

Nide butqbr nyznge x mevalu rnge. Nide lrpalvc nyznge kx tu-amqngio-ngrne.

Sam 62:7

Nzarlapx-krnge x nzmrlue-krnge yctr txpwz bade, Mz nzngini-krde butqbr nyznge kxmqngi kx rlakitrx.

Sam 89:26

Sa namcle kx ninge trtede, Kc tqngi Gct rde x butqbr nyzde kc tqrlakitrle.

Sam 95:1

Nangrbzku mz Yawe mz nzabrtzngr. Murde nide butqbr kc tqrlakitrku.