13 Leplz kxnztubqng sa na-awibzng bam, X namnc-zvzamu badr.
A' krkcng nabzdr tqlqngi sa namncng badr, Murde Gct tubq-esz'ngr x mrlz bade da kxtubq.
A' aelwa-zvz-ngrm bange drtwr ngr nzmnc-zpwxngr: Nzabrtz-zlwzngr kxmyalz vzpxm mz nzxngi-ngrbz nim. X da kxmrlzting nzvzpx-zvzmqng mz mqm.
Krlz-angidrx kx sa naka-zvzme bange zmrlz ngrm x nivz lrm, X sa namnc-zvzx ma nyzm.
Nigu kxnztubqng na-angrlvz-ngrgu Yawe. Na-abrtz-ngrgu nide.
X mz nabznge atwrnrngr, sa narpix kx, “Trpnzngr kx apule nim. Murde arlapxq kxtrnzxplrung mz mq kxnzxplrng, X kxtrpnzngr scdr zmatq mz kxnzrngiscng zmatq.”
X vz zvz nzmailz-krm ninge mz nzalvztr-krm ninge. Murde naprtrx mz nzarmyalz-krm ninge kalr.
Delc, nigu kcng tztubqng na-abrtzlvzku Yawe, Mz nzawi-krbzku bade.
Trte, suti drtwrnge kx leplz nenge lcng namnc-kzkr badr mrkc namnc-ngrne Heven. Murde namclr me matq-esz'ngr kc tqngi nyznge tqka-pnzme murde mrlztiq ninge mzli kc nrlc trnzwzka-ngrde.
X mz nibrde, nigu kcng tzlubeng x kxnzlu-moung sa navzdz-lxblrku mz nabz dcbz, mz nzyrlwrpx-lxblr-krgu badr Kxetu mrlc mzlilxlr. X sa namnc-lxblr-aloku badr Kxetu!
