2 Glalzku mqgu Mrkc Tqtr. Glqpxku Yawe mz nrlckxbq.
Abrtzlvz nzkrka'-krnge nzvzdz-krbzle bam na-apule zsikapu ngr bqlr nc ninz kc tzangcbz bam. X nzglalz-krnge mqnge na-apubzle bam blz ngr milzpq.
Yawe, ycpqx mqnge mz nzvz-nqblq-krnge Loukxtr scm, murde natubqbo mz nzobq-krm, X naprtrpo mz leplz nemqng mz nzvz-ngale-krgr olta nyzm.
Mzli kc tqobqtr-ngrbo Mrkc Tqtr mz nzmnc-krnge Mangr-nzangiongr nim, x glalzx mqnge mz nzkrka'-krbo bam, Xlrm natqnge x okatrp ninge.
Suti drtwrnge nzxngi-krbo nzulrm Mangr-nzangiongr Mz nzmc-krnge zmatq x zluli rm.
X sa na-awi-zvzbo bam Mz nzglalz-krbo mqnge mz nzkrka'-krbo bam.
Drtwrnge sa naesatxpx zpwx nzmnctr-krbo bam. X sa na-angrlvzx nim mz nabz kxyrlvi.
X suti zlwz drtwrnge kx ncblo neng Kraes ngr mrlcng amrlx nakrka'ng. Murde nzkrka'ngr atubxlzle nzwzkr Nrpakxmrlz. Bzkq ncblo nzbubzlr mqdr mz enqmi rdr, a' naglalzbzlr mqdr mz Gct mz nzkrka'ngr kxtr.
