1 Yawe, kqlex nim mz nzokatr-krm ninge Mz mzlir nzkxpu-krngeng.
?Myx me narmcti-ngrne kxnaokatrle ninge? ?Sa navzom mz newz ngr nrlc ka?
Drtwrnge elalzm mz nzrpi-ngrm bange kx, “Navzdzpeku mz Mangr-nzangiongr Yawe.” Zbz sc tqvztrpekr mz naobz ngr mzteadau nyzde.
Yawe, mnc-xglex nim Mz nzwxbu-krm mz tron nyzm Heven.
Nigu lr Israel nakrlz-angidrku Kx Yawe ngi-te-zvzku badr mz nzotangr.
Nigu kcng nzabrtrpzlr drtwrdr mz Yawe, Apuku Newz Saeon kx trycngrlru, a' tutx alo.
Mzli kc Yawe tqamnc-zpwx-mou-ngrde nigu lr Jerusalem, Opxm kx trngiu da zpwx, a' rmwibleku.
Nzmu Yawe trnangiu Kxetu r nqvi lrgu le, Mane nzaetunepx-krgu nqvi lrgu. Nzmu trna-aukztileu lr mrnyzgu, Mane nzaclve-krgu nidr.
Yawe sa na-amrlzle trte kx amrluele nide, X o-zli-zvzle nzti rde.
Nigu lr Israel nadcpx mz drtwrgu kx enqmi rgung nzatrkatilr nigu Yzuo mzli kc tqpipzbe-ngrgu mrnyzgu.
Yawe rtrngztiomle ninge mz nzokatr-krde ninge Apule kx veclzmle ninge me boongr prla.
Veclzme ninge mz gq ngr nzbzngr x mz nabz mu kxrluo. Atuome ninge mz rplz kxetu, x trpengr doa x da kx namwxlrtix.
X kxmule-esz' batrpe' nzetukr nzkxpu-krngeng, a' krlzx kx sa na-amrna-mowq nzlu-krnge, Mz nzarlapx-krm ninge mz gq.
Mzli kc Jiszs tqmncbe-ngrde mz nrlc, krka'bz mz Gct kc tqrkrlz nzarlapxngr nide mz nzbzngr x rlxbz da bade mz nzyrni-krde vzmi drlemzte. X ayzlubz Gct natqde murde Jiszs avzo-lzbq mz nzmnclz-krbzle bade.
