Sam 120:1 - Natqgu

¹ Mzli kc tqmnc-ngrne mz nzkxpungr, kqlex Yawe, X ayzlu-ngrmle natqnge.

Sam 120:1 ပူးပေါင်းရင်းမြစ်များ

Sam 102:2

Mzli ka tqprtz-ngrm nzkxpungr bange, Bzkq mnc-rlrume bange. A' ayzlu-anim natqnge Mz nzkqle-krnge nim.

Sam 107:13

Zbz sc tzkqlepelr Yawe, Kc tqkatxpxpebzle nzkxpu-krdr.

Sam 118:5

Mzli kc tqmnc-ngrne mz nzkxpungr, kqlex Yawe, Ayzlumle natqnge x aopxbzle drtqnge.

Sam 121:1

?Myx me narmcti-ngrne kxnaokatrle ninge? ?Sa navzom mz newz ngr nrlc ka?

Sam 122:1

Drtwrnge elalzm mz nzrpi-ngrm bange kx, “Navzdzpeku mz Mangr-nzangiongr Yawe.” Zbz sc tqvztrpekr mz naobz ngr mzteadau nyzde.

Sam 123:1

Yawe, mnc-xglex nim Mz nzwxbu-krm mz tron nyzm Heven.

Sam 124:1

Nigu lr Israel nakrlz-angidrku Kx Yawe ngi-te-zvzku badr mz nzotangr.

Sam 125:1

Nigu kcng nzabrtrpzlr drtwrdr mz Yawe, Apuku Newz Saeon kx trycngrlru, a' tutx alo.

Sam 126:1

Mzli kc Yawe tqamnc-zpwx-mou-ngrde nigu lr Jerusalem, Opxm kx trngiu da zpwx, a' rmwibleku.

Sam 127:1

Nzmu Yawe trnangiu Kxetu r nqvi lrgu le, Mane nzaetunepx-krgu nqvi lrgu. Nzmu trna-aukztileu lr mrnyzgu, Mane nzaclve-krgu nidr.

Sam 128:1

Yawe sa na-amrlzle trte kx amrluele nide, X o-zli-zvzle nzti rde.

Sam 129:1

Nigu lr Israel nadcpx mz drtwrgu kx enqmi rgung nzatrkatilr nigu Yzuo mzli kc tqpipzbe-ngrgu mrnyzgu.

Sam 130:1

Yawe, kqlex nim mz nzokatr-krm ninge Mz mzlir nzkxpu-krngeng.

Sam 131:1

Yawe, trglqpx-lzbqpc'u bam, mz nzvz-lvi-krnge bz kc tqyrlqme bange. X tramatq-lzbqwxu murde naprtrpo mz kxnzetung mz nzycmnetr-krdr mz da kxmyaszpxle nzrkrlz-krnge.

Sam 132:1

Yawe, na-aoti drtwrm nzkxpukr Devet, Mz nzwztr-krbzle bam.

Sam 133:1

Lqngipx x mrlzvxi Mzli kc leplz tzmnctr-lxblr-ngrdr mz nzesz'tikr drtwrdr.

Sam 134:1

Naglqpxku Yawe, nigu kxnzawz nedeng. Naprtrku mz Mangr-nzangiongr nide.

Sam 50:15

X mrlz nzkrka'-krmamu bange mzli kc tqkxpu-ngrnamu, Murde naglqlzamu ninge kalr mz nzarlapx-krnge nimu.”

Sam 50:23

Blz angidr nangi nzawi-krmamu bange. Murde narmctiamu nzarlapx-krnge nimu, mz nzvz-nqblq-krmu ninge.”

Nrpakxmrlz Kx Yr Luk 22:44

X nabzde talvzo mz da kc nawaibz bade, x nzkrka'-krde sc tqpqnelz. Wrlrpe-ngrde ztqlq kxpc apupele nztalikr mepyr, tqtalio mz drtc'.

Hibru 5:7

Mzli kc Jiszs tqmncbe-ngrde mz nrlc, krka'bz mz Gct kc tqrkrlz nzarlapxngr nide mz nzbzngr x rlxbz da bade mz nzyrni-krde vzmi drlemzte. X ayzlubz Gct natqde murde Jiszs avzo-lzbq mz nzmnclz-krbzle bade.