7 Alqngitipeq ninge, Glqlz-ngrne nim nztubqkr nabznge.
Yawe, glqlzx nim. X suti drtwrnge nzkrlz-zpwx-krnge nqmq krm.
Alvztrp bange nqmq krm Mz nzaodu-zvz-krm ninge.
Naglqlz-zvz-ngrne nim Mz nzalvztr-krme bange nqmq krm.
Okatrp ninge mz nzrkrlz-krnge Loukxtr scm, Murde na-aoti zvz drtwrnge nzwz-krmqng kcng tqmyalz.
Yawe, mz nzaodu-krm kc tqyc-ngalelvzle nrlc tulvzo, Alvztrp bange nqmq krm.
Lalztqm mz nzkrka'-krnge murde nakrlzx me pnz drtwrm, Murde wz-ngrn ninge x aclve-angidrq ninge.
Gct rnge, alvztrp bange nzale-krnge me pnz drtwrm. X rtwayzm bange mz zmrlz ngrm, murde namnc-zpwxx.
Awi Yawe! Naglqpx-atwrnr-ngrne nim. Ale-zvzq da kcng tzkctipxng, x napipxxng.
Mzli kc bqnc, leplz kcng tzvzmqng mz Gct, kxmu nzyrkr profet le nide sele. Nzrpilr kx, ‘Gct sa na-alvztrle leplz amrlx.’ X mzli ka, krkcng naxlrlr nzalvztrkr Trtenge x nzlxngitilr nide, sa navzmqng bange.
