1 Naglqlzku Yawe! Nigu kxnzawz nedeng na-armyalzku drtqde.
Awibzku mz Yawe! Murde amrlzle ncblo kx Bilvzle natqde x amrluele nide.
Naglqpxku Yawe, nigu kxnzawz nedeng. Naprtrku mz Mangr-nzangiongr nide.
X nimu kxnzawz nedeng, nqvi lr Livae, na-amatqamu nide. Nigu amrlx kcng tzamrluelr nide, na-angrlvzku nide.
Leplz nemqng amrlx sa na-awibzng bam, X doa amrlx kcng tqwz-ngrn sa naglqlzlr nim.
Zvz Yawe nztu-krbzle mz nibr kxnzawz nedeng. X trpnzngr nzayrplapx-krde krkcng tzabrtrpzlr drtwrdr bade.
X sa na-aprcbzle drtc' mz doa ne leplz nedeng, Murde leplz kcng tzmrlztilr nide namnc-zvzng elr.
Zbz kzdq natq vzpxm mz tron, rpile kx, “Glqpxamu Gct rgu, nimu amrlx kcng tzwztrpzng bade x tzamrluelr nide, kxmule-esz' nimu ncblo kxnzetung o ncblo txneng.”
