Sam 110:7 - Natqgu

⁷ X nim, King rnge, mz nzvz-krm lc, nzxplr-kato-krm sa namatqnepx kz. X sa na-aovxio-atwrnr-ngrn nrlc.

Sam 110:7 ပူးပေါင်းရင်းမြစ်များ

Sam 102:9

Yawe, nzvzkr drtwrnge dekc tqkrlcngr nelznge tqngi dakxnzng nange, X drle mzke' dekc tqngi lue pqnge.

Sam 27:6

Sa nabatrpe' nzaovxio-krnge enqmi lcng tztu-ngalelvzlr ninge. X sa namalq-zlwzx nzka-krbo bam blz mz Mangr-nzangiongr nim. X nangr-ngrbo bam nabz ngr nzawingr.

Sam 3:3

A' Yawe, nim kx mnc-ngale-zvzle ninge. Nim nou nzaovxio-krnge x nim kx apqtrp drtwrnge.

Matiu 20:22

A' rpibz Jiszs badr kx, “Trkrlz-angidrwamuu nike tqrlxtiamu! ?Nzmu rlrpx-lzbq-ngrnamu mz nzprtrngr mz nzetqkr drtq kc naprtilzle ninge?” Nzayzlu-ngrbzlr natqde kx, “Eu, krlzkr nzalengr da lc!”

Matiu 26:42

Zbz Jiszs vz mou mz nzkrka'-krde nzwrde krali, x rpi-moule kx, “Trtenge, nzmu kx tqpnz drtwrm nzrlrpx-lzbq-krnge mz nzetqkr drtqnge x nzbzngr, kxnamupele lape!”

Nrpakxmrlz Kx Yr Luk 24:26

?Memule tropxu nzpipx-pnz-kaikr profet kcng le, kx drtqde naetq mz da lcng, x mz nibrde sc tqatulzpe Gct x tqamyalzpele nide Heven?”

Nrpakxmrlz Kx Yr Jon 18:11

A' rpibz Jiszs mz Pita kx, “Toki r vea scm alvco mou mz bxli rde. Murde rlrpxpe-ngrne nrkrdrtqnge nzaetq-ngrbz mz nzvz-nqblq-krde me pnz drtwr Trtenge.”

1 Pita 1:11

Mqngr Kraes kc tqmncpxm badr pipx-zvzle nzetqkr drtq Kxnzmcpx x da kxmrlz-esz'ngr kcng naprtzting mz nibrde. X profet lcng nasuti drtwrdr nzkrlz-krdr ncblo kznike kx nanginide Kxnzmcpx lc x myx mzli kx naprtzngr da lcdeng x nike naprtzm mz nrlc ka mzli lcde.