Sam 109:18 - Natqgu

¹⁸ Tresakiu nzpilz-krde leplz. Delc nzayzlu-krbzmeleng bade naxngitx-pnzbzle. Mrlz nzpilz-krm nide na-apule lue kx mingrtr mz nrkrdrtqde, X tolo kx na-alqtipwzle me xvcngr nrvr ngrde.

Sam 109:18 ပူးပေါင်းရင်းမြစ်များ

Sam 109:19

X na-apu-kzle lrpz kc tqkq-ngrde X amqngitr nrkalo.

Sam 73:6

Delc tzbi-zlwz-ngrdr mz nzglqpx-lzbq-krdr, X drtqdr trmyau nzrtulrtr-krbzlr me pnz drtwrdr.

Matiu 26:24

Ninge Mrlx Leplz nabzx navz-nqblqle Nzryrngrkxtr. A' agrmplz ncblo la na-amwale ninge. Murde takitrde bzkq mzte nzmc pnz, murde nzayrplapxngr nide kalr sa namyatxpx-esz'ngr.”

Aposol 1:18

X da kc tqwai nzkrlz-krmule, Judzs lc xpele kzdq drtc' mz trau r da kc tqtrka tqalele. Kxmu nznibqtx-lzbq-krde batrpzle narde nzobqneo-krmle x nzwxtwetx-krde zpzu x dalr nelzde amrlx rlxpxm yz.

Aposol 1:25

kx nartwz nzwzkr aposol lc tqrlaszpe Judzs kc tqbz x sc tqmncpe mz Hxl, mrkc tqtakitrde nzmnc-krde elr.”

Kolosia 3:12

Nimu leplz kxnztrng ne Gct kx mcpxpeleng x mrlzti-zlwzle nimu. Nayc mz drtwrmu leplz. X namncamu mz nzokatrngr, nzavzo-lzbqngr, nzmnc-nrwxngr x nzaenzli-zpwxngr.

Kolosia 3:8

A' mzli ka da kx bzkq rtrngztipebzmu nidr seleng: zngya, nzotangr, x nzaetqngr drtq. Bzkq rpibqtiamu x bzkq natq kxtrka vzpxm mz naomu.

1 Pita 5:5

Mz nqmq lcpwz, nimu obla x olvi namnclzbzmu mz kxnzaclvelr nimu mz makxtr. X nimu amrlx ngrmu na-avzo-lzbqbzmu mz kztemung kxnzrlxngiting. Murde Nzryrngrkxtr rpile kx, “Gct esablqtile kxnzglqpx-lzbqng, a' tubz mz nibr kxnzavzo-lzbqng.”