Sam 103:17 - Natqgu

^17-18 A' Yawe aodu-zvzle x amrlz-zvzle nigu, Kcng tzamrluelr nide, Mz nzyrlq-angidr-krgu natqde, X mz nzlolvz-amqngi-krgu Nzesz'tikr Drtwrgu badr.

Sam 103:17 ပူးပေါင်းရင်းမြစ်များ

Sam 100:5

Murde Yawe mrlz-esz'ngr. X aodule nigu mz nzatutr-zvz-krde natqde.

Sam 111:3

Eu, da lcng amrlx nzaelwapx-ngrdr zmrlue x zmatq rde. Glqpxku nztubq-krde kc tqvzpe tqvzpe.

Sam 118:1

Aodu-zvzle nigu. Awi-ngrbzku bade Nzmrlz-esz'ngr-krde. Aodu-zvzle nigu.

Sam 22:31

Mz nzrpi-krbzkr badr kx, “Yawe arlapx-zvzle leplz nedeng.”

Sam 25:6

Gct, aelwapx-zvzm nzaodu-krm x nivz lrm bange. Gct, ale da lc, da kc tqwai-pnzq mzli kc bqnc.

Sam 90:16

X aelwa-mou-ngrm bagr rkx kcng tzkctipxng mz zmatq ngrm, Murde doa negrng namc-kzlr nzmyalz-krm.

Nzryr-krbz Pol Mz Lr Rom 1:17

Murde Nrpakxmrlz lc aelwapx-ngrde lrpzki kc tqyrlqbz Gct mz leplz mz nzatubqti-krbzle nidr mz nzobq-krde. Nztubqngr lc yzutr mz nzbrkr drtwr x yrkrpx mz nzbrkr drtwr. Da kc tqwai nzrpikr Nzryrngrkxtr kx, “Nzlukr kxnztubqng tutr mz nzbrtikr drtwrdr Gct.”

Nzryr-krbz Pol Mz Lr Rom 15:8

Nadcpx mz drtwrmu kx Kraes vzm mz nzokatr-krde nigr lr Jiu. Suti drtwrde kx na-aelwapx-ngrde kx Gct takitrde nzbrtikr drtwr leplz le. Murde angidatile da kcng tqesalz-ngrbzle mz melrmqgrng, mz da kc tqalepele Mevalu kc Tzmcpx.

2 Timoti 1:9

X Nrpakxmrlz lc nide sele. Gct arlapxle x kqlele nigu nzngini-krgu doa kxnztr nedeng, mz nzvz-nqblq-krde me pnz drtwrde x zmrlz ngrde kxmyalz. A' trvzpxpuu mz da kx aleku. Murde mzli kc nrlc trnzwzka-ngrde, Gct pnzpe drtwrde kx Mevalu Jiszs Kxnzmcpx na-arlapxle nigu. X mz nzvzo-krmle mz nrlc, aovxiole zmatq ngr nzbzngr. X Nrpakxmrlz aelwapx-ngrde kxnamu nzprtrngr mz nzlungr kxboi.

2 Pita 1:1

Ninge Saemon Pita, wztrpo mz Jiszs Kxnzmcpx x ni-kzpc' aposol nede. Ryrbo bamu, nimu kcng tztwzlr nzrlxngitingr kcpwz tqka-kzp Gct bagr, mz nzngini-krgr aposol. Murde nzrlxngitingr lc tutr mz nztubqkr Jiszs Kxnzmcpx kc tqngi Gct x Mevalu rgu.