Sam 101:6 - Natqgu

⁶ A' kxnzlxngiti-zpwxlr nim nanginidr kztengeng, X kx nabzdr lqngi sa nawztrpqng bange.

Sam 101:6 ပူးပေါင်းရင်းမြစ်များ

Sam 119:63

Ninge kzte krkcng tzamrluelr nim, Tzalelr nzalvztr-krmqng.

Sam 15:4

Napxtxpx-ngrde kxdrka'-ngrng. A' na-amatqle kxnzamrluelr Yawe Gct. Na-atutr-zvzle nzesalz-krdeng, Kxmule-esz' rblxbz bade.

Sam 34:15

Rlxtibz ncblo kxtubq mz Yawe nzokatr-krde nide. X Yawe sa naxlrbzle nzkrka'-krde mz nzaclve-krde nide.

Matiu 24:45

Jiszs rpi-mople bagr kx, “Napibo bamu kxmu kxnzawz nenge kx brti drtwrnge. Sa na-apule kc kxetu kx aprcbzle mz kzdq kxnzawz nede mz nzaclve-krde kztedeng x mz nzapu-krde nidr. Zbz sc tqvzpe mz kzdq nrlc. Kxnzawz kxyrplapx x brti drtwr kxetu rde sa navz-nqblq-zvzle natq kxetu lc.

Nrpakxmrlz Kx Yr Jon 12:26

X mrlx kznike nawztrp bange navz-nqblqmle ninge, murde kxnzawz nengeng sa namnc-zvz-kzng mrkc namnc-ngrne. X Trtenge sa na-amatq leplz amrlx kcng tzwztrpqng bange.”

Nrpakxmrlz Kx Yr Jon 17:24

Trte, suti drtwrnge kx leplz nenge lcng namnc-kzkr badr mrkc namnc-ngrne Heven. Murde namclr me matq-esz'ngr kc tqngi nyznge tqka-pnzme murde mrlztiq ninge mzli kc nrlc trnzwzka-ngrde.

Nzaelwapxngr 21:3

X xlrx kc natq kxetu aepztr mz tron, rpile kx, “Ma nyz Gct ycpebz mz krkcng Nanginidr leplz nedeng. Sa namncpeng badr. X Gct esz'-krde sa nanginide Gct rdr. Drlemztr amrlx sa naycpqpxbzle. Trpengr kx drtwrde navz, Kx nayrni, kx nabz, Kx drtqde navetq. Dalr mzli kc mrbrpe.”