Nzaelwapxngr 6:6 - Natqgu

⁶ Zbz xlrx kc natq vzpxm mz mzlir kxnzlung kcng pwx, rpibzle mz ncblo lc kx, “Rlr-ngrbo bam nzyrlq-krm narncbr kxlqlwx zlwz mz bxli r flawa wit kxesz' o bxli r raes kxtq, murde vea kcng mz nrlc nzayctxdr nzpengr dakxnzng. A' bzkq odatiq nounc olivi x nqvi lr grep!”

Nzaelwapxngr 6:6 ပူးပေါင်းရင်းမြစ်များ

Sam 76:10

Leplz amrlx sa naglqlz-ngrdr nim Mz nzaovxio-krm enqmi rmqng kcng tzngyati drtwrdr nim. Murde ncblo ngr vea kcng trnibqtiwqng tzmetxbzng bam, Nzpipxbzlr kx nanginipedr ncblo nemqng.

Matiu 24:7

Murde mrkcng kqlu mz nrlc sa napnz-lzbqng. Dzbi kxetu sa navzmqng, x nengq kxetu sa navz-kzpqng.

Nzaelwapxngr 4:6

X yctr-kzpz kc elr da kx apule prla kx ngi dzpq kx otxpx. X nztu-ngalelvzlr nrlar tron kcng pwx krkcng tzlung kcng pwx. X mztr kqlu kxnzobqpx-kaing x kxnzobqpxng mq.

Nzaelwapxngr 4:8

Kxnzlung lcng pwx nabxdr esz'mz lxblr, x nrkrdrtqdr yrlwr-ngalelvz mztr x wai-kzle nabz nabxdrng. Nzglqlzlr x nzangiolr x nzawibzng mz Kxetu kc tqwxbuom mz tron, tqlu-zvzpe. X mz nrlckxngrlx x mz nrlckxbq tresakiu nzngr-krdr kx, “Yawe, Gct kc tqrninr, Drtqmq tr-esz'ngr. Nimq kc tqmnc mzli ka, X tqmnc zvz, x sa navzm.” X mzli lcdepwz, kxnzaclveng kcng nzpnu-li-nrade-pwx nzrweobzng zpr mz Kxetu kc tqwxbuom mz tron, tqlu-zvzpe. Nzkaobzlr kraon ngr nardr mrkc tqlxlvrkipx tron, x sc tzngrpeng.

Nzaelwapxngr 7:3

Rpibz enjrl kc kx, “Bzkq odatiamu ena drtc', prla, x nounc, nakrlz-zpwxbzle nzyrkrpxkr nzryrlq-krbzkr rkx ngr Gct rgu mz rtrlrmz kxnzawz-nrbalq nedeng.”

Nzaelwapxngr 9:4

Nzpibz badr kx bzkq nzatrkatilr nabr, nounc, x lxbi. A' nzrlrtx-ngrpwz badr nzatrkati-krdr leplz kcng rkx ngr Gct tryctru mz rtrlrmztr.