Nzaelwapxngr 6:17 - Natqgu

¹⁷ Murde mzli ka sc tqkrlzpebzle Mzli Kxmatq nyz Gct ncdr Nei Sip, x trpnzngr kx narlapx mz nzayrplapx-krdr nigr.”

Nzaelwapxngr 6:17 ပူးပေါင်းရင်းမြစ်များ

Sam 110:5

X Yawe sa natubz mz nibrm, Mz nzmilxtxo-krde king kxnzkqlung mz zngya ngr drtwrde.

Sam 2:12

Yrngzobzmu mz Mrlxde, Murde ma tqodatile nimu, Mz zngya ngr drtwrde kc tqwou. A' nimu amrlx kcng tzrlatrpzng bade, sa namnc-zpwxamu.

Sam 76:7

Delc leplz amrlx tzmyatitr-zlwz-ngrdr nim, Murde nzngyakr drtwrm trpnzngr kx nayatrpz.

Nrpakxmrlz Kx Yr Luk 21:36

A' navz zvz nzaclvetio-lzbq-krmu murde ma tqtaoamu mz alwx. X nakrka'-zvzbzmu mz Gct kx natu-amqngiamu mz nzrlxngiti-krmu, kxmule-esz' da kx prtz. Murde ninge, Mrlx Leplz, na-abrtzlvzx nimu mzli kc natutr-ngrmamu mz mzke' mz mzli lcde.”

Nzryr-krbz Pol Mz Lr Rom 2:5

A' narm mqngi zlwz murde pxtxpx-ngrn nztekqtr-krm nqmq nr drtwrm. Mz nzmu-krde lcde, aetunepx-zlwzq nzayrplapxkr Gct nim. Mz Mzli Kxmatq kc navzm, Gct sa napipxle kxnzvz-rbrng o trtingr, mz nzvz-nqblq-krde nztubq-esz'ngr-krde. X sa na-ayrplapx-zlwzle kxnzaleng alwx mz zngya ngr drtwrde.

Nzryrkr Jud 1:6

X nayc kz mz drtwrmu enjrl kcng tzvecpx-lzbqng mz nzaclve-krdr mz zmatq ngrdr. Nzesablqtitxdr mrnyzdr. Mz nzmu-krde lcde, ayrplapxpe Gct nidr mz nzpe-alo-krde nidr x nzamnc-krdeleng mz presin kx wx-nzlongr. X namncng elr nakrlzbzle mzli kc nayzlu-ngrm Jiszs mz nzayrplapx-mou-krdeleng.

Nzaelwapxngr 16:14

Drka' lcng nztqng nztrka-zlwzng, x nzrngiscng zmatq ngr nzalrtingr da. Sc tzayrlwr-lxblr-ngrdr king amrlx ngr nrlc me esz', drtqde ‘Newz Magedon,’ mz nzngini-krdr ami kxesz' kxetu. Mz Mzli Kxmatq lc, Gct kc tqrninr sa naotang badr Mepwz, Mrlx Kc Tqdrka'ngr, x Profet Kc Tqpokia badr ami nedr. X mz nzycmnekr Jiszs mz nzyzlu-krmle, rpile kx, “Ninge la nayzlu-mopwc' mz nrlc. X nzvz-krmc na-apule nzvz-krm ncblo kx pna da kx trnzoliqtiu. A' sa namrlzbz mz doa kx oliqtile nzvz-krmc, na-apule ncblo kx obq zvz x yrlqbzle lrpzde mz nzaenzli-krde nzvz-krm kztede. Nzmu naoliqtiq mzli kc navz-ngrmc, drtqm trnamyatrpwzu mz mz leplz, mz nzapu-krm ncblo kxycblq mz nzvzne-krde.”