Nzaelwapxngr 6:1 - Natqgu

¹ Zbz mcx Nei Sip nzrniglc-krde kadol ngr skrol kc kai. X xlrx nznetxpx-zlwzkr kxnzlung kc kai, x nate etu apule bzlrmei, rpile kx, “Vzm!”

Nzaelwapxngr 6:1 ပူးပေါင်းရင်းမြစ်များ

Nrpakxmrlz Kx Yr Jon 1:29

X mz zbq kzble, Jon Kxawrkxtr mcle nzvz-krm Jiszs bade. Sc tqrpipemle kx, “Nei Sip kc nangi blz kx naka-nrbalqm Gct, dela tqvzm. Sa nakatxde alwx ngr leplz ngr nrlc!

Aposol 4:20

Murde mz nzvz-nqblq-krgr natqde, rblxm bagr nzesakikr nzpipx-krgr da kcng tqmcpekr tqale Jiszs x da kcng tqxlrkr mz nzalvztr-krdeng.”

Nzaelwapxngr 11:19

Zbz Mrkc Tqtr Mangr-nzangiongr Gct Heven nzlvxpx, x Bokis kc Tqyclz-ngrm Nzesz'tikr Drtwrdr Badr Leplz Nedeng, sc tzmcpe elr. Mzli lcde bzlrpc tqpctipx, bzlrmei tqyrputipx, nrlc ycngrlr atwrnrngr mz nengq, x muli-aes kxetuting tqvztiom apule tewa kxdc.

Nzaelwapxngr 13:8

Leplz mz nrlc tulvzo sa na-angiolr Mrlx Lc Tqdrka'ngr, krkcng drtqdr trnzyrou mz Buk ngr Nzlungr sc Nei Sip kc tznibq. A' kxnzrlxngiting kcng drtqdr tzyro elr abzo mzli kc tqwzngr Gct nrlc, trtxpnzngr Mrlx Lc Tqdrka'ngr.

Nzaelwapxngr 14:2

X xlrx kc nzngrngr Heven, nate etu-esz'ngr apule nzyrpukr nrc x bzlrmei. X nzngrngr lcde tqxlrx nzyrlvi-krde apu-kzle nzyrnikr nqvi r gita kxkqlu.

Nzaelwapxngr 19:6

Zbz xlr-moux kc natq kx apule nzycmne-katokr zbo ngr leplz, x apu-kzle nzyrlekr me talipx ngr lue, x apu-kzle nzyrpupxkr bzlrmei. Nzrpilr kx, “Awi Yawe! Naglqpxku Gct! Murde Kxetu Gct kc tqrninr, nide txpwz King r leplz amrlx.

Nzaelwapxngr 4:8

Kxnzlung lcng pwx nabxdr esz'mz lxblr, x nrkrdrtqdr yrlwr-ngalelvz mztr x wai-kzle nabz nabxdrng. Nzglqlzlr x nzangiolr x nzawibzng mz Kxetu kc tqwxbuom mz tron, tqlu-zvzpe. X mz nrlckxngrlx x mz nrlckxbq tresakiu nzngr-krdr kx, “Yawe, Gct kc tqrninr, Drtqmq tr-esz'ngr. Nimq kc tqmnc mzli ka, X tqmnc zvz, x sa navzm.” X mzli lcdepwz, kxnzaclveng kcng nzpnu-li-nrade-pwx nzrweobzng zpr mz Kxetu kc tqwxbuom mz tron, tqlu-zvzpe. Nzkaobzlr kraon ngr nardr mrkc tqlxlvrkipx tron, x sc tzngrpeng.

Nzaelwapxngr 5:1

Zbz mcx kc skrol kx apule lrpzu kxboi kxnzbu. X male Kxetu kc tqwxbuom mz tron mz mqde kxrtc. X skrol lc nzyr nrlarde rlilr. A' nzbupe x nzabli-kzo-ngrde nrlc rlimz mz kadol kx apule bq lr nounc.

Nzaelwapxngr 5:12

X natr kc tqetupe mz nzngrngr kx, “Nimq Nei Sip kc tznibq, X takitrde nim Nzrpipxngr zmatq ngrmq, Nzkrlz-angidr-krm, Kx nim angidr bcnyr, x xplr-esz'ngrn. X takitrde nim kz Nzrglqlzngr, nzangiongr, X nzrglqpxngr zvz.”

Nzaelwapxngr 5:8

X mzli lcpwz, kxnzlung kcng pwx x kxnzaclveng kcng nzpnu-li-nrade-pwx nzrtco-lzbq-ngrbzng mz Nei Sip nzglqpx-krdrle. X nzrtaplxsrng gita x dis kx ngi gol yrbu lxblr mz bqlr nc ninz, krlcng nzkrka'kr leplz neng Gct.

Nzaelwapxngr 6:3

Zbz mc-moux Nei Sip kc nzrniglc-krde kadol krali, x xlr-kzx kxlu krali nzrpi-krde kx, “Vzm!”

Nzaelwapxngr 6:5

Zbz Nei Sip kc niglc-kzle kadol kratq. X kxlu kratq rpi-kzle kx, “Vzm!” Obqbo x mcx vzpxm kc hcsi kxbotapz'. X ncblo kc tqvone elr adole mz mqde kc skel mz nzpipx-krde narncbr ngr dakxnzng.

Nzaelwapxngr 6:7

Zbz Nei Sip sc tqniglcpe-kzle kadol krapwx, x xlrbo kxlu krapwx rpi-kzle kx, “Vzm!”

Nzaelwapxngr 8:1

Mzli kc tqniglcngr Nei Sip kc kadol krarlimz, lr Heven amrlx nzmnc-nabutxng mzli kxpipz trkrlzpwzleu nabz-nepi kxesz'.