Nzaelwapxngr 22:19 - Natqgu

¹⁹ X doa kx katxpxle kzdung natq mz natq lcng tqkapx Gct tqyclzm mz buk lc, trpnzngr nzmncpx-krmle Mzteadau kxtr, x trpnzngr nzmu-krde nra Nounc ngr Nzlungr, mz nzkatxpxkr Gct da kxmrlzting kcng tqycmnetrngr buk lc.

Nzaelwapxngr 22:19 ပူးပေါင်းရင်းမြစ်များ

Sam 69:28

Bzkq yroq drtqdr mz Buk ngr Nzlungr, Mrkc tqyclz-ngrm drtq kxnztubq nemqng.

Nrpakxmrlz Kx Yr Luk 11:52

“Agrmplz nimu, kxnzalvztrng mz Lou sc Mosis. Gct sa na-ayrplapxle nimu! Murde tr-rlrpx-lzbqwamuu mz nzmnclz-ngrbz bade. X nzalvztr-rbr-krmu rpwa'-ngrbzle mz leplz nzlxngiti-krdr nide. Apule kx yrlq-kapqbzmu badr ki kc nzmu nalvxpxbzle naonrx ngr Heven.”

Nzaelwapxngr 1:3

Namrlzbz mz doa kx rlwxpxle natq lcng tqyrox mz buk lc. X namrlz-kzpz mz leplz kcng tzxlrlr x tzyrlq-angidrlr natq lcng. Murde sa nakrlz-angidrlr da lcng amrlx mzli kc tqycpe pipz nzprtz-krmlr.

Nzaelwapxngr 11:2

A' yrlqtxpx nrlarde makoa kcng yz, bzkq aneqng, murde nzkapebz mz leplz kxtrnzrlxngitiung kcng narnzlvzolr Jerusalem, navz nakrlzbzle yiz tq x ncte kc.

Nzaelwapxngr 13:8

Leplz mz nrlc tulvzo sa na-angiolr Mrlx Lc Tqdrka'ngr, krkcng drtqdr trnzyrou mz Buk ngr Nzlungr sc Nei Sip kc tznibq. A' kxnzrlxngiting kcng drtqdr tzyro elr abzo mzli kc tqwzngr Gct nrlc, trtxpnzngr Mrlx Lc Tqdrka'ngr.

Nzaelwapxngr 14:13

Mz nibrde, xlr-moux kc natq Heven, rpimle bange kx, “Yro natq lcng. Abzope mzli ka, sa namrlzbz mz leplz kcng tznibqting murde nzlxngitilr Kxetu rgu.” Rpi Mqngrkxtr kx, “Eu, da angidrtx! Murde nzetqkr drtqdr kx vzpxm mz nzwztr-krbzlr mz Kraes sa nayrkrpxpe, x Gct sa narkabz badr nzmnc-zpwxngr x da kxmrlzting mz nzwztr-krbzlr bade, kxmule-esz' nike prtzbz badr.”

Nzaelwapxngr 2:11

“Abzamu nzyrlq-angidr-krmu natq lcng tqpibz Mqngrkxtr mz mz dzbe lrmakxtr lcng. Murde krkcng tzaovxiong mz nzvec-krdr badr zmatqng kxtrka, trnabzpeung mz nzbzngr kxrmnr-ngrm mzli kc Gct na-ayrplapx-ngrde lr nrlc kcng tzvz-rbrng.” Delape. Ninge Jiszs.

Nzaelwapxngr 2:26

Murde zmatq kcpwz tqkam Trtenge bange, sa nakabo mz mrlx kx aovxiole mz nzvec-krdr badr zmatqng kxtrka, x nzyrlq-angidr-krde natqnge navz navz nakrlzbzle nzyrkrpxkr nrlc. X sa nakabo bade zmatq ngr nzaclvengr neidu amrlx mz nrlc tulvzo. Sa na-aovxiole mrnyzdr mz nzxplr-krde, kc na-apule bz kc tqrniglc botol.

Nzaelwapxngr 2:7

“Abzamu nzyrlq-angidr-krmu natq lcng tqpibz Mqngrkxtr mz dzbe lrmakxtr lcng. Murde mrlx kx aovxiole mz nzvec-krdr badr zmatqng kxtrka, sa narlr-ngrbo bade nzngq-krde Nranc ngr Nzlungr Kxmrna kc tqtu Me Mncngr Gct.” Delape. Ninge Jiszs.

Nzaelwapxngr 21:2

X mcx mzteadau kxtr, Jerusalem kxmrna, prpxpem Heven mrkc tqmncngr Gct, x sc tqvzom. Mzteadau lc tqtr nzoliqtipe x mzte lqngi, apule olvz kx nayrlz kc tzaoliq mz nzyrlz-krdr ncdr ncblo ngrde.

Nzaelwapxngr 21:5

Zbz sc tqrpipem Gct kc tqwxbuom mz tron bange kx, “Yro natq lcng, murde da angidr lcng x sa natutrng. Mzli ka atubqtipe-moux da amrlx!

Nzaelwapxngr 22:12

Rpi-mop Jiszs kx, “Ninge Jiszs. Lalztq-angidrmamu, murde mzli trnzboi-krdeu x ninge kc tqyzlupe-mopwc'. X sa natwzmc da kx nayrlq-ngrbo mq leplz amrlx, navz-nqblqle nzwz-krdrng, kxmule-esz' kxmrlz o kxtrka.”

Nzaelwapxngr 22:2

Yrlekiole vau r lrpzki kc tqtavau Mzteadau, x nrlarde rlilrdr tungr Nounc ngr Nzlungr. X nzpa-krdr nzwrde nzpnu-esz'-nrade-li (12) mz yiz kxesz', nzwrde esz' mz temz kxesz'. X leu rdrng ngi dalr nzrkatxngr zyagox ngr nrkrdrtq leplz kxnztubqng ngr mztea amrlx.

Nzaelwapxngr 22:7

Rpim Jiszs bagu kx, “Lalztq-angidramu, murde mzli trnaboiu x ninge kc tqyzlupe-mopwc'. X sa namrlzbz mz doa kcng tzyrlq-angidrlr natq kcng tqkapx Gct mz Buk lc, murde sa nakrlz-angidrlr da lcng amrlx mzli kc tqycpe pipz nzprtz-krdr.”

Nzaelwapxngr 3:12

“Murde mrlx kx aovxio mz nzvec-krdr badr zmatqng kxtrka, nide kx navzmibo mz Gct rnge na-apule nctrpou ngr Mangr-nzangiongr kxmrna, x trtxpengr nzdwasz-krdele. X nayrtrpo bade drtq kxmrna lcde seng tq. Drtq kx ayrnrngr drtq mzteadau nyz Gct, Jerusalem kxmrna kc tqvzom Heven. Murde Jerusalem kxmrna nangi mrnyzde. X drtq krali drtq Gct rnge, murde nide doa ne Gct. X drtq kratq drtqnge kxmrna, murde ni-kzde doa nenge.

Nzaelwapxngr 3:21

“Mrlx kx aovxio mz nzvec-krdr badr zmatqng kxtrka, sa na-awxbuox nide mz tron mz nzwxbu-krgr badr mz nzaclvengr. Da kc tqwaix mz nzaovxio-krnge mz nzvec-krgr badr zmatqng kxtrka, x wxbupekr ncdr Trtenge mz nzaclvengr.