Nzaelwapxngr 22:13 - Natqgu

¹³ Ninge nou da amrlx x kx ayrkrpx da amrlx. X ninge kxrtwayz x kxrmnr-ngrbz. X ninge kz kx ryzutr da amrlx x kx amrbrtx mou.”

Nzaelwapxngr 22:13 ပူးပေါင်းရင်းမြစ်များ

Nrpakxmrlz Kx Yr Jon 13:32

X nzmu na-aelwapx-ngrne nzmyalz-krde, Gct esz'-krde sa na-aelwapx-kz-ngrde nzmyalz-krnge. X nzale-krdele trnamnetiu.

Nzaelwapxngr 1:11

Rpile kx, “Yro mz buk da amrlx mcqng, x atwzlr-ngrbz buk lcde mz Esia Provins mz dzbe lrmakxtr mz taon rlimz seleng: Efiszs, Simrnz, Prgamzm, Taeatira, Sadis, Filadelfia x Laodisea.”

Nzaelwapxngr 1:17

Kx mcx kc nide, rtco-lzbq-ngrbo mz nanycde apux ncblo kx bz, mz nzangio-krnge nide. A' mqde kxrtc bxtrple ninge x rpimle bange kx, “Bzkq mwxlrq. Ninge kx rtwayz x ninge kx rmnr-ngrbz.

Nzaelwapxngr 1:8

Rpi Yawe kx, “Ninge Gct kc tqrninr, kc tqmnc mzli ka, x tqmnc zvz, x sa navzm. Ninge nou da amrlx x kx ayrkrpx da amrlx.”

Nzaelwapxngr 2:8

X Jiszs nzngini-krde ncblo kc tqapule Mrlx Leplz, rpi-mople bange kx nayr-kzpo dq natq mz kxaclvele dzbe lrmakxtr kc mz taon Simrnz. Rpibzle kx, “Krlcng natqnge, ninge kxrtwayz x kxrmnr-ngrbz, ninge kc tqbz mzli kc ena, a' mzli ka lupe-mopwc'.

Nzaelwapxngr 21:6

Eu, kapupxpe! Murde ninge nou da amrlx x kx ayrkrpx da amrlx, x ninge kz kx ryzutr da amrlx x kx nzamrbrtx mou. Sa naka-nrbalqbo mz leplz kcng drtwrdr tzbrlxkzng, lue kx yrlelzm mz vaulz ngr nzlungr kxmrna, murde nalu-moung.

Nzaelwapxngr 3:14

X Jiszs nzngini-krde ncblo kc tqapule Mrlx Leplz rpi-mople bange kx nayr-kzpo dq natq mz kxaclvele dzbe lrmakxtr kc mz taon Laodisea. Natq lc nide sele. “Krlcng natqnge, ninge kc tqapux natq lc tqngi ‘angida’ murde ninge kc tqrngi-batrpz da amrlx mz nzvz-nqblq-krde me pnz drtwr Gct. X ni-kznge ncblo angidr kc tqrpipx-angidrpe natqdeng. X ninge nou da amrlx kcng tqwzngr Gct.