Nzaelwapxngr 19:6 - Natqgu

⁶ Zbz xlr-moux kc natq kx apule nzycmne-katokr zbo ngr leplz, x apu-kzle nzyrlekr me talipx ngr lue, x apu-kzle nzyrpupxkr bzlrmei. Nzrpilr kx, “Awi Yawe! Naglqpxku Gct! Murde Kxetu Gct kc tqrninr, nide txpwz King r leplz amrlx.

Nzaelwapxngr 19:6 ပူးပေါင်းရင်းမြစ်များ

Sam 47:2

Murde na-amrlueku nide kc tqmyatxlz-esz'ngr, Mz nzngini-krde King kxmatq kc tqaclvele nrlc.

Sam 47:7

Naglqlzku nide mz nabz kxyrlvi, Murde nide King r nrlc tulvzo.

Sam 93:1

Yawe, nim King kc tqmyatxlz-esz'ngr, x rngiscm zmatq. Wz-ngrn nrlc x tu-amqngio me yc-ngrde x trycngrlru.

Sam 97:1

Mrlz lr nrlc amrlx nzabrtz-krdr murde Yawe nide King kc tqmyatxlz-esz'ngr. X lr trmctu naelalz-ngrm drtwrdr kz nide.

Sam 97:12

Delc, nigu kcng tztubqng na-abrtzlvzku Yawe, Mz nzawi-krbzku bade.

Sam 99:1

Yawe nide King, kx myaszlzle enjrl kcng tzmatqng tztu-ngalelvzlr tron nyzde. X leplz amrlx mz nrlc tulvzo narnrcti-lzbqtr-ngrbzlr bade.

Matiu 6:13

X arlapx nigr mz zmatq ngr Setzn, mz nzokatr-krm nigr mz nztu-amqngi-krgr mz nzatalzngr. X awi mz nzayzlu-krme natqgr, mz nzngini-alo-krm king rgr, mz zmatq ngrm kc tqyc tqyc. Eu, angida.’”

Nzaelwapxngr 1:15

X nanycde kz nzapulr nzpnaprkr bras kc tzayrleni mz nyr x sc tzalqtipe. X nzokr natqde apule nzyrpukr nrc.

Nzaelwapxngr 1:8

Rpi Yawe kx, “Ninge Gct kc tqrninr, kc tqmnc mzli ka, x tqmnc zvz, x sa navzm. Ninge nou da amrlx x kx ayrkrpx da amrlx.”

Nzaelwapxngr 12:10

Mz nibrde, xlrx kc natq kxetu Heven, rpile kx, “Gct rgu sa na-arlapxle Leplz nedeng mzli ka. Sa natwzpele zmatq ngrde, X nangipe King mz nrlc. Kxnzmcpx nede twzpele zmatq ngrde, X Setzn kc tqpibqtitr- Zvzbzle kztegung Mz mz Gct rgu, Nzrtcpxpengr Heven. “A' kztegung nzaovxiopelr Nide mz zmatq ngr mepyr Ngr Nei Sip. X nimu lr Heven Na-abrtz-zlwzamu. A' nimu lr nrlc ka Na-aclvetioamu. Nar Drka' vzopebz bamu. Drtwrde ngya zlwz murde nzmnc-krde Mrla mzli trnaboiu.”

Nzaelwapxngr 14:2

X xlrx kc nzngrngr Heven, nate etu-esz'ngr apule nzyrpukr nrc x bzlrmei. X nzngrngr lcde tqxlrx nzyrlvi-krde apu-kzle nzyrnikr nqvi r gita kxkqlu.

Nzaelwapxngr 19:1

Mz nibr nzodatingr Bxbilon, xlrx nzmalqkr zbo ngr leplz kxetu Heven. Nzrpilr kx, “Awi Yawe! Naglqpxku Gct rgu kc tqngi nou nzrlapxngr, tqrngiscde zluli x zmatq.

Nzaelwapxngr 19:4

Zbz kxnzaclveng kcng nzpnu-li-nrade-pwx (24) x kxnzlung kcng pwx nzyrngzong, x nzangiolr Gct kc tqwxbuom mz tron, nzrpilr kx, “Delape! Awi Yawe! Naglqpxku Gct!”

Nzaelwapxngr 21:22

A' trpnzngr Mangr-nzangiongr kx mcx Mzteadau mrkc tqmnc-ngrbz Gct badr leplz nedeng. Murde Kxetu Gct kc tqrninr ncdr Nei Sip nztekqtrlr Mangr-nzangiongr mz nzangiongr nidr mz nrlc amrlx Mzteadau.

Nzaelwapxngr 4:5

X mclz-kzx nzaglqpz'tikr bzlrpc x xlrlzx nzyrputipxkr bzlrmei mz tron. X mrkc tqlxlvrkipx tron woutrpz elr lam rlimz, rkx ngr Mqngrkxtr ne Gct kc nzwz-krdeng rlimz.

Nzaelwapxngr 6:1

Zbz mcx Nei Sip nzrniglc-krde kadol ngr skrol kc kai. X xlrx nznetxpx-zlwzkr kxnzlung kc kai, x nate etu apule bzlrmei, rpile kx, “Vzm!”

Nzaelwapxngr 8:5

Mz nibrde enjrl kc glaole kc baol ngr bqlr nc ninz kc, tekatrle mz nyr ngr olta x rtco-ngrde mz nrlc. X mzli lcdepwz bzlrpc tqpctipx, bzlrmei tqyrputipx x nrlc tqycngrlr atwrnrngr mz nengq.