Nzaelwapxngr 18:21 - Natqgu

²¹ Mz nibr nzycmnekr Gct lc, kzdq enjrl kx xplr kalzmle kc rplz kxmrlepu, rtco-ngrde prla, x rpile kx, “Kxnamu nzodatingr taon lc etu delc, murde mzte namrbrtx alo.

Nzaelwapxngr 18:21 ပူးပေါင်းရင်းမြစ်များ

Nzaelwapxngr 10:1

Zbz obq-rmwible-moux, x mcx kc enjrl kxmatq vzom Heven. Ngrlelvz dcbz apule lrpz kx kq-ngrde, x narde ngrlelvz nrpc'. Mzte luli apule nepi, x nanycde nzapulr nctrpou kx ngc-zli nyr.

Nzaelwapxngr 12:8

Mepwz kxetu kc tqngi kz ningidoe ngr nrlanc kc bqnc, tzrpi-kzpz ‘Nar Drka'’ x ‘Setzn.’ Nide enqmi r leplz murde tqpibqle leplz x tqesabrtile leplz ngr nrlc atwrnrngr. Nzvecng x Mepwz badr enjrl nedeng sc tzaovxiopeng Maekol badr enjrl nedeng. X trnzrlrpe-ngrpwzu nzmnc-krdr mou Heven. Nzrtcmipxngr enjrl nedeng Heven x nztaomqng mz nrlc, mz nzngini-krdr drka'.

Nzaelwapxngr 16:20

X mzli lcpwz trmctung x newzng amrlx nzmrbrlzmqng mz nengq kc etu.

Nzaelwapxngr 18:10

Sa natubzng rlru mz nzmwxlrti-krdr nzaxvctr-lxblr-krbzlr mz nzodatingr taon kc. X narpilr kx, ‘Rlr, rlr, nim taon kc etu tqapule Bxbilon kc bqnc, kc tqngi-bcnyrlr x matq. Nzodati-aningr nim apule bzlrpc kc tqpcpx.’”

Nzaelwapxngr 18:22

Trpengr natq gita, ncblei, x trpu, x trpengr nzngrngr kx naxlrtr-kz-mopwz elr. Trpengr ncblo kx namabzng elr. X trpengr kx narbing kai elr.

Nzaelwapxngr 20:11

Zbz obq-rmwible-moux, x mcx Gct nzwxbuo-krm mz tron kxetu kxprki. X opxm kx drtc' ncdr bongavz nzdwaszlr nide, x trnzmc-pnzung.

Nzaelwapxngr 5:2

X mcx kc enjrl kx matq-esz'ngr, x sc tqetumipe nate nzrpi-krde kx, “?Neke takitrde nzrniglcngr kadol lcng rlimz murde nakawxpxle skrol lc?”