Nzaelwapxngr 18:18 - Natqgu

^18-19 X mzli kc namc-ngrdr nzvzdzkr zsikapu ngr nyr kc tqangcle taon kc, sa nanemilr mz nzyrni-krdr nzrpi-krdr kx, ‘Esae! Trpnz-moungr taon mz nrlc ka kx narsakrlrng ncdr taon kc etu. Rlr, rlr, taon kc etu! Leplz amrlx kcng tzrngiscng lcsu angi-bcnyrlr-ngrng mz dztumqng. A' nim la tzodati-anipe mzli ka tqapule bzlrpc kc tqpcpx.’ X sa nakilvztilr nardr drtc' mz nzvzkr drtwrdr.

Nzaelwapxngr 18:18 ပူးပေါင်းရင်းမြစ်များ

Nzaelwapxngr 13:4

X nzangio-kzlr Mrlx Kc Tqdrka'ngr, mz nzrpi-krdr kx, “Trpnzngr kx rtakitr nzxplrkr Mrlx Kc Tqdrka'ngr. X trpnzngr kx yatrpz mz nzota-krdr ncdr murde na-aovxiole nide.” X nzangio-kzlr Mepwz murde nzaprc-krbzle zmatq mz Mrlx Kc Tqdrka'ngr.

Nzaelwapxngr 14:11

Trpnzngr nzyrkrpxkr nzetqkr drtqdr, krkcng tzangiolr Mrlx Kc Tqdrka'ngr x mqngrde kc tzlz, x tztwzlr rkx ngr drtqde. Nzetqkr drtqdr vztx alo, ngrlx x mz nrlckxbq, murde zsikapu ngr nzngckr nrkrdrtqdr tqvzpe tqvzpe.”

Nzaelwapxngr 16:19

A' Gct trmrbrtru mz drtwrde alwx ngr leplz ngr taon kc etu tqapule Bxbilon kc bqnc. X ayrplapx-zlwzle nidr mz nzxplrkr zngya ngr drtwrde. Mz nzmu-krde lcde, taon kc etu glqwitxpx ncte tq, x taon mz nrlc tulvzo nzodating amrlx.

Nzaelwapxngr 18:16

X narpilr kx, ‘Rlr, rlr, nim taon kc etu, mzli kc kqq lrpz kxlqlwx x kxprpol x kxpctxpx scmqng. X rluq kz da kx nzwzngr mz gol, prl, x rplz kxlqlwx.