Nzaelwapxngr 14:3 - Natqgu

³ Leplz kcng siu-trtqki-esz'-nzpnu-pwx-nrade-pwx (144,000) nzngr-ngrdr kc nabz kxmrna mrkc tqlxlvrkipx Gct, badr kxnzlung kcng pwx, x kxnzaclveng kcng nzpnu-li-nrade-pwx (24). Nabz lc tzngr-ngrdr trpnz-moungr kx ryatitr nzrngrngr, a' ngi txpwz krkcng tzxpetrpeng mz lr nrlc.

Nzaelwapxngr 14:3 ပူးပေါင်းရင်းမြစ်များ

Sam 144:9

Gct, sa nangr-ngrbo bam nabz kxmrna. X na-angrlvzx nim mz nzayrni-krnge gita.

Sam 149:1

Naglqlzku Yawe! Nangr-ngrbzku bade nabz kxmrna. Naglqlzku nide mz nzyrlwrpx-krm leplz nedeng mz Mangr-nzangiongr nide.

Sam 25:14

Pqtr mz drtwrm leplz kcng tzamrluelr nim. Pipx-zvzbzme da kx na-alelr mz nzvz-nqblq-krdr nzesz'tikr drtwrmu badr.

Sam 33:3

Nangr-ngrbzku bade nabz kxmrna, Mz nzmalqlvz-krgu nide.

Sam 40:3

Alvztrpe' bange kc nabz kxmrna mz nzrglqlzngr nim. X mzli kc naxlrngr leplz nzngr-krngele, sa na-angiolr nim x na-abrtrpzlr drtwrdr bam.

Sam 96:1

Nigu lr nrlc amrlx Nangr-ngrbzku mz Yawe nabz kxmrna!

Sam 98:1

Nangr-ngrbzku mz Yawe nabz kxmrna mz nzale-krde da kcng tqmyapxbzng. Murde aovxiole enqmi rdeng mz nzetukr zmatq ngrde.

1 Korint 1:18

Mz drtwr leplz kcng tzo-zlilr lrpzki r Hxl, nrpa ngr nzbzo-krm Jiszs nidr mz kros ngi dalr nzngqngungr. A' mz drtwrgu, nigu kcng tzo-zlilr lrpzki r Heven, nrpa lc aelwapx-ngrmle bagu kxnamu nzarlapxngr nigu mz zmatq ngr Gct.

1 Korint 2:14

A' kxtrnzrlxngitiung nzpxtxpx-ngrdr da angidr kcng tzvzpxmqng mz Mqngrkxtr, murde mz drtwrdr ngi dalr nzngqngungr. Trnzkrlzlru nztwz-krdr drtwr ngr nzalvztrngr angidr lcng, murde nzmncpx-krm Mqngrkxtr mz nabz doa kxrlxngiti, dekc tqtwz-ngrde drtwr ngr nzalvztrngr angidr lcng x tqkrlz-ngrde nzmrlz-krdr.

Nzaelwapxngr 14:1

Mz nibrde, obq-rmwible-moux, x mcx Nei Sip kc nztuo-krmle mz Newz Saeon kxmqngi, nidr badr kxnzrlapxpeng kcng siu-trtqki-esz'-nzpnu-pwx-nrade-pwx (144,000). X drtq Nei Sip x drtq Trtede nzyrtr-pnzbz mz rtrlrmztr.

Nzaelwapxngr 15:3

X nzngr-ngrdr nabz ngr nzmyalz-esz'ngrkr Gct mz nzarlapx-kai-krde leplz nedeng mz kxnzawz nede Mosis, x mz Nei Sip kc ate. Nzrpilr kx, “Yawe, Gct kc tqrninr, King abzo mzli kc bqnc Krlzmle mzli ka, nzwz-krmqng myapx- Esz'ngr x kctipxkrng. Nqmq krmqng da angidr, X tubq-esz'ngr. Leplz nzamrluelr nim. X trpnzngr kx napxtxpx-ngrde Nzglqlz-krde nqmq krm. “Nim txpwz kxtr-esz'ngr, X nzamrluelr nim. Trpnzngr leplz kx napxtxpx-ngrde Nzglqlz-krde nqmq krm. Murde nqmq krmqng kxtubq, Lr nrlc amrlx sa navzmqng Mz nzangio-krdr nim. Murde aelwapxpe-ngrn nqmq krmqng kxtubq, Tubq-esz'ngr, eu.”

Nzaelwapxngr 2:17

“Abzamu nzyrlq-angidr-krmu natq lcng tqpibz Mqngrkxtr mz mz dzbe lrmakxtr lcng. Murde mrlx kx aovxio mz nzvec-krdr badr zmatqng kxtrka, sa nakabo bade dakxnzng nange kxmrna kc tzrpibz ‘mana kc tqyc-kapq.’ X mz nzabrtzlvz-krnge nide sa naka-kzpo bade rplz kxprki kx yctrngr drtqde kxmrna. X drtq kxmrna lc, trgalr kxrkrlz, a' krlz txpwz ncblo kc tqrngisc rplz lcde.” Delape. Ninge Jiszs.

Nzaelwapxngr 5:9

Zbz sc tzngr-ngrdr kc nabz kxmrna, mz nzrpi-krdr kx, “Nipem ncblo kx rtwz skrol la, X takitrde nim, Nzrniglcngr kadol ngrdeng X nzrkawxpx-kzngr. Nim blz kx nznibqng. Mepyr ngrm yrleo. Xpetrle leplz neng Gct. Leplz lcng nzprpxmqng mz nou, natq, drtc', x Neidu amrlx mz nrlc. “Nim kx rvzmimqng leplz lcng amrlx, Nidr kxnzprpxmqng Mz nou, natq, x neidu, x drtc' amrlx Mrka mz nrlc tulvzo, Murde nangini-ngrdr Pris neng Gct rgu, Mz nzwztr-krbzlr bade. X nidr kx na-aclveng ncdr mz nrlc, Mz nrlc tulvzo, eu.”

Nzaelwapxngr 7:4

X nzpim bange me nakrlzbz nzkqlukr leplz ne Gct kcng nartwzng rkx ngrde. Kxnzlxngiting kcng tzprpxmqng mz neidu lr Israel nakrlzbzle siu-trtqki-esz'-nzpnu-pwx-nrade-pwx (144,000).