Nzaelwapxngr 14:11 - Natqgu

¹¹ Trpnzngr nzyrkrpxkr nzetqkr drtqdr, krkcng tzangiolr Mrlx Kc Tqdrka'ngr x mqngrde kc tzlz, x tztwzlr rkx ngr drtqde. Nzetqkr drtqdr vztx alo, ngrlx x mz nrlckxbq, murde zsikapu ngr nzngckr nrkrdrtqdr tqvzpe tqvzpe.”

Nzaelwapxngr 14:11 ပူးပေါင်းရင်းမြစ်များ

Sam 10:16

Yawe, nim King. Yc zvz nzaclve-krm nrlc. Yrlqtxpx mz drtc' nyzm krkcng trnzangiolru nim.

Sam 145:1

Awi-zvzbo bam mz nzglqpx-krnge nim, Murde nim Gct rnge x mnclzbo bam.

Matiu 11:28

Mz nzmu-krde lc, nimu amrlx navzmamu bange. Murde nzkxpu-krmung nzmrlepu-zlwzbzng bamu, x rblxbz bamu nzvz-nqblq-krmu natq amrlx kcng tzkapxbz kxnzetu rmung bamu. X sutitx zlwz drtwrnge naokatrpo nimu mz nzmnc-zpwx-krmu.

Matiu 25:41

“X mzli lc sa napi-kzpo mz leplz kcng tzmncng mz nrlarnge kxmc kx, ‘Nimu kcng tzmnclzbzng mz zngya ngr drtwr Gct, vzpeamu. X vznamu mz nyr ngr Hxl kc tqngctx alo, tqoliqti Gct mz nzayrplapx-krde Setzn badr drka' nedeng amrlx.

Matiu 25:46

Zbz leplz lcng sa naprtrng mz Hxl mz nzayrplapxngr kc tqyctx alo. A' kxnztubqng sa naprtrng Heven mz nzlungr kxboi.”

Hibru 1:8

A' mz nzobqkr Gct, Mrlxde myapxbz, murde kzdq kz Sam rpile kx, “Nzyrlqkr Gct lc nzngini-krm King tqyc tqyc, mz nzaclve-krm leplz nemqng mz nzmncngr kx tubq-esz'ngr.

Nzaelwapxngr 11:15

Zbz enjrl krarlimz kx vxutrle kc trpu nede, kzdung natq kxetung Heven nzrpilr kx, “Zmatq ngr nznginingr King mz nrlc ycbz mz Kxetu Gct rgu ncdr Kxnzmcpx nede. X Gct sa tqaclve mzli ka x nzaclve-krde tqyc tqyc!”

Nzaelwapxngr 13:12

Mrlx Kc Tqdrka'ngr lc tutrpz mz krkc kai x zmatq ngrde apupwzle zmatq ngr krkc kai. X rtulrtr-ngrbzle mz lr nrlc amrlx nzangio-krdr Mrlx Kc Tqdrka'ngr kc kai tqyctrngr bzmr kxsqki.

Nzaelwapxngr 13:15

X nzrlr-ngrbz mz Mrlx Kc Tqdrka'ngr krali nzvxutr-krbzle mz nao mqngr Mrlx Kc Tqdrka'ngr kc kai tzlzlr, murde naycmne, x nanibqtile leplz kcng trnzangiolru nide.

Nzaelwapxngr 13:17

Trpnzngr kx naxpe x na-amwa da, kx tr-rtwzkale rkx lc tqngi drtq Mrlx Kc Tqdrka'ngr kc kai o nabz kx ngi rkx ngr drtqde.

Nzaelwapxngr 14:9

X mc-moux kc enjrl kratq lvcm mz nibr krkcng nzling. X etumi nate nzrpi-krde kx, “Doa kx angiole Mrlx Kc Tqdrka'ngr kc kai x mqngrde kc tzlz x nzyrtr-kzpz mz rtrlrmzte o mz mqde kxrtc rkx ngrde, sa na-ayrplapx Gct mz nztutr-krbzlr mz Nei Sip badr enjrl kxnzmatqng. Zngya ngr drtwrde sa naxplr-esz'ngr mz nzayrplapx-krde leplz lcng. Sa na-aetqti-zlwzbzle drtqdr x sa naodati-atwrnr-ngrng mz nyr kxpq-esz'ngr ngr rplz salfz kxngc.

Nzaelwapxngr 18:18

X mzli kc namc-ngrdr nzvzdzkr zsikapu ngr nyr kc tqangcle taon kc, sa nanemilr mz nzyrni-krdr nzrpi-krdr kx, ‘Esae! Trpnz-moungr taon mz nrlc ka kx narsakrlrng ncdr taon kc etu. Rlr, rlr, taon kc etu! Leplz amrlx kcng tzrngiscng lcsu angi-bcnyrlr-ngrng mz dztumqng. A' nim la tzodati-anipe mzli ka tqapule bzlrpc kc tqpcpx.’ X sa nakilvztilr nardr drtc' mz nzvzkr drtwrdr.

Nzaelwapxngr 18:9

“King mz nrlc kcng tzprtrng badr mz alwx ngr nzprszpx-krdr Gct x alwx ngr nzrkcmnzngr x nztrkibrngr, sa namclr zsikapu ngr nzngckr taon lc. X nayrni-ngrdr nzbz-krde, murde da kxmrlzting kcng tzkcmnz-zlwz-ngrdr sc tzodatipeng.

Nzaelwapxngr 19:3

Awi Yawe! Naglqpxku Gct! Mzli ka taon kc tqvz-nqblqle nqmq kr srlx lc sc tqngcpe, x zsikapu rde nzvzdz-krde la, tqvzpe tqvzpe.”

Nzaelwapxngr 20:10

Zbz Setzn kc tqesabrtile lr nrlc, sa nartcongr mz Dxbu Nyr kx nzulrde rbq x ngc mz rplz salfz. Dxbu kc tzrtcope-kaingr Mrlx Kc Tqdrka'ngr ncdr Profet kc Tqpokia. X sa na-aetq-zlwzbz drtqdr mz nrlckxngrlx x nrlckxbq, tqyc tqyc.

Nzaelwapxngr 22:5

Trpnzngr nrlckxbq mrlcde, x trnzsutiu drtwrdr zyzlr ngr nepi o lam, murde Kxetu Gct sa nayzlrpx-ngrbz badr. X leplz lcng sa nanginipe-kzdr king x nzaclve-krdr tqvzpe tqvzpe. X da kx mc-rmnr-ngrbo nide lape.

Nzaelwapxngr 7:12

Nzrpilr kx, “Eu, angida! Angiokr nim, awibzkr bam, glqlzkr nim, x amatqkr nim. Pipxkr nzyrplapx-krm, nzxplr-krm, x zmatq ngrm, tqyc tqyc. Eu, angida!”