Nzaelwapxngr 12:10 - Natqgu

^10-12 Mz nibrde, xlrx kc natq kxetu Heven, rpile kx, “Gct rgu sa na-arlapxle Leplz nedeng mzli ka. Sa natwzpele zmatq ngrde, X nangipe King mz nrlc. Kxnzmcpx nede twzpele zmatq ngrde, X Setzn kc tqpibqtitr- Zvzbzle kztegung Mz mz Gct rgu, Nzrtcpxpengr Heven. “A' kztegung nzaovxiopelr Nide mz zmatq ngr mepyr Ngr Nei Sip. X nimu lr Heven Na-abrtz-zlwzamu. A' nimu lr nrlc ka Na-aclvetioamu. Nar Drka' vzopebz bamu. Drtwrde ngya zlwz murde nzmnc-krde Mrla mzli trnaboiu.”

Nzaelwapxngr 12:10 ပူးပေါင်းရင်းမြစ်များ

Sam 22:28

Mz nzngini-krm King kx matq-esz'ngr Kc tqaclve-zvzle nidr.

Sam 45:6

Nzyrlqkr Gct lc nzngini-krm King tqyc tqyc, Mz nzaclve-krm leplz nemqng mz nzmncngr kx tubq-esz'ngr.

Matiu 26:64

Ayzlu-ngrbz Jiszs natqde kx, “Eu, ninge mrlxde. X napibo bamu kx sa namcamu ninge, Mrlx Leplz, nzwxbu-krnge me matq esz'ngr mz nrlar Gct kxrtc. X ninge la nayzlu-mopwc' kalr mz nabz dcbz ngr bongavz.”

Matiu 28:18

Jiszs vzm bagr x rpimle kx, “Gct aprcpemle bange zmatq mz doa x da amrlx Heven x mz nrlc ka.

Matiu 6:10

x nzmnclz-krbzkr bam mz nzngini-krm King rgr. Murde navz-nqblq-kzkr me pnz drtwrm, da kc tzwai lr Heven.

Nrpakxmrlz Kx Yr Luk 11:2

Rpibz Jiszs badr kx, “Mz nzkrka'-krmu rpiamu kx, ‘Gct Trte, batrp bagr nigr lr nrlc, nzamatq-krgr drtqm kxtr-esz'ngr, x nzmnclz-krbzkr bam nzngini-krm King rgr.

Nrpakxmrlz Kx Yr Luk 22:31

Rpibz Jiszs mz Pita kx, “Saemon! Saemon! Nakrlzq kx Setzn pibzle mz Gct nakabzle bade zmatq mz nzatalz-krde nimu mz nzabao-krbzle nzrlxngiti-krmu nimu amrlx ngrmu. X rlr-ngrbzle.

1 Korint 5:4

Mz nzmu-krde lcde, mzli kc tqyrlwr-lxblr-ngrnamu, namaszlrpx-ngrnamu ncblo lc mz nzmnc-lxblr-krmu badr, mz zmatq ngr Kxetu rgu Jiszs. Nakatxpxamu nide mz nzaclvekr Gct nide, x na-aprcbzmu nide mz mq Setzn, mz nzatrkati-krde nide. X murde mwx elx, natekqtrle nqmq nr drtwrde x narlapx mz nzbz-alongr mz Mzli Kc Tqmatq na-ayzlu-ngrbz Gct da mz leplz.

2 Korint 12:9

A' rpimle kx, “Zmrlz rnge kxmyalz takitr-zvzde nzokatr-krde nim, kxmule-esz' da kx nzprtzng. Murde zmatq rnge wz angidr mz nzmnc-xgle-krm ninge mz mzlir nzkxpu-krmqng.” X mz nzlxngiti-krnge da lc, abrtzlvzx nzngini-krnge ncblo kxmane. Delc tqgqlpx-lzbq-ngrne mz da lc, murde zmatq ngr Kxnzmcpx na-aelwapx-ngrne mz nzlu-krnge.

Taetus 2:3

X pi-kzpz badr blang kx nzmu na-amrluelr Gct mz nzmncngr kxtr. A' bzkq nzrpikiting x nzrmnq-zlwzng. A' na-alvztr-ngrdr iledrng kx namrlzti-zvzlr ncblo ngrdrng x doa nedrng mz nqmq kxtubq.

1 Pita 5:8

Aclvetio-lzbqamu x oliq-zvzamu, murde enqmi rmu Setzn kc tqotaamu badr apule laion kc tqamwxlr-ngrde leplz mz nztukr natqde. X sc tqvz zvz nzrtangrti-krde doa mz nzatrkati-krde nide.

Nzaelwapxngr 11:15

Zbz enjrl krarlimz kx vxutrle kc trpu nede, kzdung natq kxetung Heven nzrpilr kx, “Zmatq ngr nznginingr King mz nrlc ycbz mz Kxetu Gct rgu ncdr Kxnzmcpx nede. X Gct sa tqaclve mzli ka x nzaclve-krde tqyc tqyc!”

Nzaelwapxngr 2:26

Murde zmatq kcpwz tqkam Trtenge bange, sa nakabo mz mrlx kx aovxiole mz nzvec-krdr badr zmatqng kxtrka, x nzyrlq-angidr-krde natqnge navz navz nakrlzbzle nzyrkrpxkr nrlc. X sa nakabo bade zmatq ngr nzaclvengr neidu amrlx mz nrlc tulvzo. Sa na-aovxiole mrnyzdr mz nzxplr-krde, kc na-apule bz kc tqrniglc botol.

Nzaelwapxngr 7:10

Zbz sc tzetumipe natqdr nzrpi-krdr kx, “Nzarlapxngr vzpxm mz Gct rgr kc tqwxbuom mz tron, nimu ncdr Nei Sip.”