Nrpakxmrlz Kx Yr Luk 4:34 - Natqgu

³⁴ Rpipele kx, “Vrr! Vzpe Jiszs kc Naszret! Vz, dwasz nigr! Vz-ngrme nzodati-krm nigr! Krlzx ncblo kznike tqnginim! Nim Ncblo Kxtr kc tqatwzlr-ngrm Gct!”

Nrpakxmrlz Kx Yr Luk 4:34 ပူးပေါင်းရင်းမြစ်များ

Sam 16:10

Murde tr-rlrpx-ngrwq zmatq ngr nzbzngr nzaovxio-krde ninge, ncblo kxtr nem. X trayrbqtxwq nrkrdrtqnge mz gq mz nzmibi-krde.

Matiu 8:29

X sc tzkabomipebzlr bade kx, “Vrr! Mrlx Gct! ?Nike tqotime? Bzkq ayrplapxq nrkrdrtqgr mzli ka, murde trkrlzkapzle Mzli Kxmatq kc na-ayrplapxngr.”

Nrpakxmrlz Kx Yr Mak 1:24

Rpipele kx, “Vrr! Vzpe Jiszs kc Naszret! Vz, dwasz nigr! Vz-ngrme nzodati-krm nigr! Krlzx ncblo kznike tqnginim! Nim Ncblo Kxtr kc tqatwzlr-ngrm Gct!”

Nrpakxmrlz Kx Yr Mak 1:34

X amrlztibzleng leplz kxkqlu mz nzyagox-krdrng amrlx. X maszlrpx-kzpzleng drka' mz leplz kxkqlu. A' tr-rlr-ngrpwzleu mz drka' lcdeng nzycmne-krdr, murde nzkrlzlr kx nide Mevalu kc tqmcpx Gct.

Nrpakxmrlz Kx Yr Mak 5:7

Rpibz Jiszs mz drka' kc kx, “Drka', prszpx mrlx la!” Sc tqnepe, tqrpipele kx, “Vrr! Jiszs, Mrlx Gct kc tqmyalz-esz'ngr! ?Nike tqotime? Esalzngr mz drtq Gct kx bzkq ayrplapxq nrkrdrtqnge!”

Nrpakxmrlz Kx Yr Luk 1:35

Rpibz enjrl kc kx, “Mqngrkxtr sa navzom bam. X zmatq ngr Gct kc tqmyalz-esz'ngr naprtrpz bam x na-ayrle nim. Mz drtwr lc itoto nanginide Mrlx Gct, doa kxtr.

Nrpakxmrlz Kx Yr Luk 4:33

X kzdq kc ncblo kx mncpx-ngrm drka' mncpxm mz mangr-nzkrka'ngr kc. Sc tqnetxpxpe mz natqde kxwzpx.

Nrpakxmrlz Kx Yr Luk 4:41

X maszlrpx-kz-ngrbzleng drka' mz leplz kxkqlu. Drka' kcng tzneng, tzrpilr kx, “Nim Mrlx Gct!” A' ycmne-plztitxtr Jiszs drka' lcdeng. X tr-rlr-ngrpwzleu nzycmne-krdr, murde nzkrlzlr kx nide Kxnzmcpx.

Nrpakxmrlz Kx Yr Luk 8:28

Mzli kqlupe tqlolvzngr drka' kc le. X leplz nzapusr-ngrdr nide ncblo kxnzpresin. Kxmule-esz' mqdeng x nanycdeng nzpetibzng mz sen, a' sen lang tqnikileng x tqavztr drka' kc mrkc lzke. Kx mctxbzle Jiszs, katxpxbzle kc natq ngr nzneplangr x nzkya'-nimzngr. X rtctxo-lzbqbz bade. Rpibz Jiszs mz drka' kc kx, “Prpxm bade!” Sc tqnemipele kx, “Vrr! Jiszs, Mrlx Gct kc tqmyalz-esz'ngr! ?Nike tqotime? Yrnitrpo bam, bzkq ayrplapxq nrkrdrtqnge!”

Nrpakxmrlz Kx Yr Luk 8:37

Zbz leplz kcng amrlx ngr nrlarnrlc kc Gergesa nzrlxti-nrwx-ngrbzlr mz Jiszs kx navzpe, murde nzmwxlrtx-atwrnrpe-ngrng. Zbz mzli kc Jiszs tqprtzpe-ngrde mz bot,

Aposol 16:39

Zbz sc tzvzpebzng, x sc tzvzmipxpemlr yz mz nzamatq-krdr nidr, murde na-amnc-nrwx-ngrdr nidr. X nzyrnititr-zvzbzlr badr kx narlaszlr taon kc.

Aposol 2:27

Murde tr-rlrpx-ngrnqu zmatq ngr nzbzngr nzaovxio-krde ninge, ncblo kxtr nem. X trayrbqtxwq nrkrdrtqnge mz gq mz nzmibi-krde.

Aposol 3:14

Pxtxpx-ngrnamu krkc tqtr tqtubq-esz'ngr, a' rlxtiamu kx Barabas kc tqrnibq narlrpx-ngrm x navz.

Aposol 4:27

Natq Devet lc atukztrpe Jiszs! Murde King Herot Antipas x Pcntizs Paelzt nzyrlwr-lxblrbzng mrka Jerusalem badr kxtrngiulrJiu x lr Jiu. Nzryrlqting drtwr mz nzatrkati-krdr Jiszs, kxnzawz nem kxtr, kc tqmcpxq.

Hibru 2:14

Doa lcng nzmncng mz nrkrdrtq. X Jiszs esz'-krde kz nzmika apule nidr, x prtr kz mz nzmnckr nrkrdrtq. Murde mz nzngini-krde leplz naprtr kz mz nzbzngr. X mz nzbz-krde mz nzngini-krde leplz, na-aovxiole Setzn, x na-arlapxle leplz kcng tzmnclzbzng mz zmatq ngr Setzn x nzmwxlrtilr nzbz-krdr.

Jemes 2:19

Nzrlxngiti-angidrngr navzmi nzrvz-nqblqngr natq Gct. Mane nzrpikr doa kx lxngitile kx Gct esz'txu, murde drka' nzlxngiti-kzlr da lc. Dekc tzrnrcti-lzbq-ngrdr mz zmwxlr, murde nzkrlzlr kx Gct sa na-ayrplapxle nidr mz nzrnzlvzo-krdr natqde. Opx angidr kx trngi-txpwzu nzrlxngitingr kxmule lc kx na-arlapxle leplz.

1 Jon 3:8

A' krkcng tzale-zvzng alwx nzaelwapx-ngrdr kx nidr doa neng Setzn, kc tqngi Nar Drka', mz nzapu-krdr nide kc tqale kai alwx. A' Mrlx Gct vzm mz nzodati-krde nzwzkr Setzn amrlx, murde trka-zlwzng.

Nzaelwapxngr 20:2

Enjrl lc aovxiole Mepwz kc etu, tzrpi-kzpz ‘Nar Drka'’ x ‘Setzn’ kc tqngi kz ningidoe ngr nrlanc kc bqnc. X otibzle Mepwz lc, x bxtile sen kc, murde nayrbqtile yiz siu naesz' (1,000).

Nzaelwapxngr 3:7

X ncblo kc tqapule Mrlx Leplz rpi-mople bange kx nayr-kzpo dq natq mz kxaclvele dzbe lrmakxtr kc mz taon Filadelfia. Rpibzle kx, “Krlcng natqnge, ninge kc tqtr-esz'ngr x tqngi da angidr. Lolvzx ki sc King Devet, kc drtwr ngrde kx rngiscnge zmatq ngr nzrlvxngr naonrx kx trpnzngr kx rkrlz nzrbqngr, x zmatq ngr nzrbqngr naonrx kx trpnzngr kx rkrlz nzrlvxngr.