Nrpakxmrlz Kx Yr Luk 4:32 - Natqgu

³² Nzkctitxpx-zlwzlr nzalvztr-krde, murde ycmnemile zmatq angidr.

Nrpakxmrlz Kx Yr Luk 4:32 ပူးပေါင်းရင်းမြစ်များ

Nrpakxmrlz Kx Yr Mak 1:22

Leplz amrlx nzkctitxpx-zlwzlr nzalvztr-krde. Murde trapuleu kxnzakrlz kcng tzalvztrng mz Loukxtr, a' ycmnemile zmatq angidr.

Nrpakxmrlz Kx Yr Luk 2:47

Leplz kcng tzlalztqbzng bade nzkctitxpxlr nzyrplatitrkr narde da x nzayzlu-krde natq kx nzrveati.

Nrpakxmrlz Kx Yr Luk 4:33

X kzdq kc ncblo kx mncpx-ngrm drka' mncpxm mz mangr-nzkrka'ngr kc. Sc tqnetxpxpe mz natqde kxwzpx.

Nrpakxmrlz Kx Yr Luk 4:36

Leplz lcng nzkctitxpxlr, x sc tzrpi-etrpelr kx, “?Nike tqpiq? Murde mz natq kx kabzle mz drka' kcng, vzmi pnz zmatq x nzxplrngr. X drka' kcng nzprpx-pnzmqng mz ncblo kc!”

Nrpakxmrlz Kx Yr Jon 6:63

Murde natq kcng tqpibo bamu, nidr kcng tqrkabz nzlungr kc tqvzpxm mz Mqngrkxtr mz nabzmu. A' zmatq ngr leplz trtakitrde nzokatrngr nimu.

Nrpakxmrlz Kx Yr Jon 7:46

A' mz nzmrlzkr badr natq Jiszs, nzrpibzlr kx, “Trgalr ncblo kx myaszpxle nzycmne-krde.”

2 Korint 4:2

X nqmq krgr tubq mz da amrlz murde yrlqpx-lzbqgr mz da kx myangr drtq. X da amrlx kx alekr takitrde leplz nzmc-krdrleng. Tresabrtikru leplz murde nalalztqmqng bagr o naokatrlr nigr. X trpnzngr nztekqtr-krgr nrpa ngr Gct. A' yapwxtipx-zpwxkr nrpa angidr, murde krlzkr kx Gct sa tqobqom bagr. X krlz-kzkr kx leplz kxnztubqng sa namclr kx nzalvztr-krgrng tubq.

1 Tesalonika 1:5

Murde mzli kc lemgr bamu Nrpa ngr Jiszs Kxnzmcpx, trpi-txpwzkru mz natq. A' aelwapx-kz-ngrgr mz zmatq, mz nzokatrkr Mqngrkxtr, x mz nzrlxngiti-angidrngr. X krlz-kzamu kx aelwapx-ngrgr Nrpakxmrlz lc mz nzmnc-krgr, mzli kc tqmnc-ngrbzkr bamu. Da kcng amrlx tqalebzkr bamu, ngi dalr nzokatrngr nimu.

Taetus 2:15

Taetus, alvztrngr leplz nemqng kx navz-nqblqlr nqmq lcng tqmrlz. Apqtrpz drtwrdr x lc-apqbz leplz kcng tzpxtxpx-ngrdr natqmqng. Murde bzkq kx naxpqbrlr-ngrde zmatq ngrm. Murde natq kc tqkabzme badr vzpxm mz nzalvztr-krgr nigr aposol.