Nrpakxmrlz Kx Yr Luk 3:1 - Natqgu

¹ Mzli kc Taebirizs tqngini-ngrde king kxetu r Rom, kzdung kz gavzna x king nzmnclzbzng bade. Kzdq nidr Pcntizs Paelzt nide gavzna ngr Judiz. Kzdq mou Herot Antipas nide king kx aclvele Gzlili. X mzle Herot, Filip, nide king kx aclvele Provins kcng Itiria x Trakonaetis. X kzdq mou Laesanias nide king kc tqaclvele Abilin Provins.

Nrpakxmrlz Kx Yr Luk 3:1 ပူးပေါင်းရင်းမြစ်များ

Matiu 14:1

Mzli lc King Herot Antipas, kc tqaclvele lr Gzlili, xlrle nrpa ngr da kcng tqaleti Jiszs.

Matiu 14:3

Nzbzkr Jon kxmule sele. Herot twzle olvz r mzlede Filip. X Filip lc sc tqlube, kx tqyrlzti Herot kc olvz rde. Drtq olvz lc Herodizs. A' Jon pi-zvzbzle mz Herot kx ngibz alwx mz nzobqkr Gct mz nzyrlzti-krde olvz r mzlede. Zbz Herot atwzlr-ngrbzle ncblo ngr vea nedeng, nzlolvzlr Jon x na-adwatrlr mz presin.

Matiu 14:6

Zbz mz zbq kc tqkaputr-ngrm nzrmcngr mz Herot, alebzle kc nzmungr mz ncblo nedeng. Zbz abrtzlvzle inyx Herodizs, mz nzela-krbzle badr mz nzelangr kx batrpzle ncblo nzrkcmnzngr nide.

Matiu 22:17

Mz nzmu-krde lcde, pim ena bagr nike pnz drtwrm. ?Tubq mz Lou sc Mosis nzxpe-krbzku takes mz King r Rom o trtingr?”

Matiu 27:2

Nzpetxbzlr mqde x sc tzvzmipelr tzaprcpebzlr mz mq Pcntizs Paelzt, lr Rom kc tqaclvele Judiz Provins.

Nrpakxmrlz Kx Yr Mak 6:17

Nzbzkr Jon kxmule sele. Herot twzle olvz r mzlede Filip. X Filip lc sc tqlube kx tqyrlzti Herot kc olvz rde. Drtq olvz lc Herodizs. A' Jon pi-zvzbzle mz Herot kx ngi-alwxbz mz Gct nzyrlzti-krde olvz r mzlede. Natq lc ngyangr drtwr Herodizs x rpile nanibq-ngrde Jon. Zbz Herot atwzlr-ngrde ncblo ngr vea nedeng, nzlolvzlr Jon x na-adwatrlr mz presin. A' rblx nznibqkr Herodizs le, murde Herot mrlue mz drtwrde Jon x krlzle kx nide ncblo kxmrlz x tr, dekc tqamnc-zpwx-ngrdele. Suti drtwrde nzvz-krbz Jon bade mz nzlalztq-krbzle mz nzryapwx-krde, kxmule-esz' narde tryrplatrpwzu mz natqdeng amrlx.

Nrpakxmrlz Kx Yr Mak 6:21

A' kzdq zbq mrkc tqpnz drtwr Herodizs mz nznibq-krde Jon sc natutrpe. Mz zbq kc tqkaputr-ngrm nzrmcngr mz Herot, alebzle kc nzmungr badr ncblo kxnzmatq nedeng x kxnzetung mz provins nyzde.

Nrpakxmrlz Kx Yr Luk 13:31

Mzli lcpwz kzdung Farzsi nzvzmqng mz Jiszs, sc tzrpipebzlr bade kx, “Rlaszpe mrka x vzkipe mz kzdq kz nrlc. Murde rpi King Herot nanibqle nim.”

Nrpakxmrlz Kx Yr Luk 2:1

Mzli kc Herot Kc Tqmyalz tqngini-ngrde king r Judiz Provins, King kxetu ngr lr Rom kc tqmnc kz, drtqde Agzstzs. X Herot mnclzbz bade. King Agzstzs atwzlrpx-ngrde natqde kx leplz amrlx kcng tqaclvele, drtqdr nayro mz nzxpe-lxblr-krdr takes.

Nrpakxmrlz Kx Yr Luk 23:24

Zbz Paelzt kc tqpipxpebzle kx Jiszs nabz, mz nzatutr-krde natqdr kxpq.

Nrpakxmrlz Kx Yr Luk 3:19

X Jon lclvz-kzpzle King Herot Antipas mz da kxkqlu kxtrka kx aletile. X tqrpipebzle kx natekqtrle nqmq nr drtwrde. Murde krnalz mzlede, drtqde Herodizs, tqyrlztibzle. A' mzlede lc sc tqlube.

Nrpakxmrlz Kx Yr Luk 9:7

Zbz King Herot Antipas, kc tqaclvele lr Gzlili, xlrle nrpa ngr da kcng tqaleting Jiszs x ncblo nedeng. Drtwrde mrbrtxtrpz, murde mzli kc kai pibzle mz kzdung ncblo ngr vea nedeng nanibqlr Jon. A' kzdung leplz tzrpilr kx, “Jon Kxawrkxtr tulzpe-mop mz nzbzngr.”

Aposol 23:26

“Ninge Klaodizs Lisizs. Letz lc yrbo bam, kx kxetu gavzna Filiks. Nim la.

Aposol 24:27

Yiz li kaputxpx. X mz nibrde Posizs Festzs sc tqtekqtrpele Filiks nzngini-krde gavzna. Filiks rpile namrlzti lr Jiu kcng, murde ma tzota-zvzng. X sc tqrlaszpebzle Pol mz presin.

Aposol 26:30

Zbz king kc x gavzna kc x Bernis, x krkc-kzng amrlx nzrkalzmqng.

Aposol 4:27

Natq Devet lc atukztrpe Jiszs! Murde King Herot Antipas x Pcntizs Paelzt nzyrlwr-lxblrbzng mrka Jerusalem badr kxtrngiulrJiu x lr Jiu. Nzryrlqting drtwr mz nzatrkati-krdr Jiszs, kxnzawz nem kxtr, kc tqmcpxq.