Nrpakxmrlz Kx Yr Luk 2:34 - Natqgu

³⁴ Zbz krka'lvztxbzng Simion nidr. X sc tqrpipebzle mz Mxri kx, “Doa lc mcpx Gct mz nzngini-krde rkx. X nigu lr Israel kxkqlu kxnzpxtxpx-ngrdr nide nataong. A' nigu kcng tzabrtzlvzlr nide narlapxng.

Nrpakxmrlz Kx Yr Luk 2:34 ပူးပေါင်းရင်းမြစ်များ

Matiu 11:19

X ninge Mrlx Leplz vzmc, x mux dakxnzng x rmnq-kzx waen. A' nzrpilr kx, ‘Mcamu ena mrlx ka! Mrlx kx mutu x rmnq kato! Kzte ncblo kxnzatakqting takes x leplz kx nztrka-kzng!’ A' nadcpx mz drtwrmu kx nztubqkr natq opx zlwz mz nztubqkr doa kx atutr. X sa namcamu kalr nztubq-krgr rlilrgr mz da kc navzpxmqng mz nzmnckr leplz kcng tzatutrlr natqgr.”

Matiu 12:46

Mzli kc Jiszs tqycmnebe-ngrbzle mz zbo ngr leplz kcng, lxede x mzledeng sc tzkaputrpe-kzpqng. Nztutrpqng yz x nzpitrpzlr mz kzdung leplz kx naycmneng badr Jiszs.

Matiu 21:44

Leplz kcng trnzabrtzlvzlru rplz lc tqmcpx Gct, apule kx nztaong elr x nzataki-lzbqng. X leplz kcng tzvz-zvzng nzpxtxpx-krdr rplz lc, sa na-ayrplapxng kalr mz Mzli Kxmatq kc navzm, apule kx rplz kc nataobz badr x natamyr-ngrde nidr.”

Matiu 27:63

Nzrpibzlr bade kx, “Kxetu, dcpx mz drtwrgr mzli kc tqlubengr blzpokia kc, rpile kx, ‘Zbq naotx natq, x ninge kc tqlupe-mopwc'.’

Nrpakxmrlz Kx Yr Luk 2:35

Da kx aoti drtwr leplz sa na-aelwapx-lzbqngr mz nzabrtzlvz-krdr nide o nzpxtxpx-krdr nide. X mz nibrde nzaetq-ngrbz drtqde sa na-apule toki kx luplxtrpzle nabzm.”

Nrpakxmrlz Kx Yr Jon 3:20

Krkcng amrlx tzaleng da kxtrka, nztrka badr da angidr. X trnzlxngitilru da angidr, murde trsutiu drtwrdr nzaxtx-krdr da kxtrka kcng tzrtrngztibzlr.

Nrpakxmrlz Kx Yr Jon 5:18

Nzycmnekr Jiszs lc trka mz drtwr kxnzetu r lr Jiu. X nzrpilr nanibqlr nide, murde xpqbrlr-ngrde lou ngr Sabat. X mou, rpile kx nide Mrlx Gct. X mz drtwrdr, rtulrtr-lzbq-ngrde nzrsakrlr-krdr ncdr Gct. X delc tqtakitr-ngrde nznibqngr nide.

Aposol 13:45

A' kx nzmcpe lr Jiu kxnzrmailzng zbo ngr ncblo kcng mrkc, sc tzdobutipe-ngrdr Pol, x sc tzpibqtipelr nide.

Aposol 17:6

A' kx trnzmc-pnzlru Pol x Saelas mrkc, nzotibzlr Jeszn x kzdung kz lrmakxtr, sc tzkilzpebzlr mz kxnzetu r taon kc. X sc tzkabomipxpelr nzrpi-krdr kx, “Jeszn lc adwatrle ma nyzde kzdung ncblo kxnztrkang. Murde ncblo lcng tzbatrpzlr nztalwzngr mz nrlc tulvzo! X mzli ka nzvzpe-kzpqng mz taon nyzgu. Tzrnzlvzolr lou sc Klaodizs king kc etu rgu kc Rom, mz nzrpi-krdr kx kzdq kz king kc tqmnc, drtqde Jiszs!”

Aposol 24:5

“Mcpekr kx ncblo lc nide ncblo kx atrka da. Tqabzo-zvzle nzotablrngr mz mzlir lr Jiu mz nrlc talvzpx. X mailzle ncblo kcng tzvz-nqblqlr Jiszs kc Naszret.

Aposol 28:22

A' rpikr naxlrbzkr natqm, murde mrkang kqlu xlrkr leplz nzpibqti-zvz-krdr dzbede lc tqprtr-ngrn.”

Aposol 4:26

King rdrng x kxnzrmailz rdrng nzyrlwr-lxblrng mz nzoliqti-krdr nzota-krdr badr Yawe x Kxnzmcpx nede.’

Aposol 6:7

X natq Gct sc tqvzpx zvz, x leplz neng Jiszs mrkc Jerusalem sc tqkqlunepx zvz kz. X pris r lr Jiu nzkqlu-kzng kxnzrlxngiting.

Nzryr-krbz Pol Mz Lr Rom 9:32

?Nike trnzyatr-ngrpwzlru? Trnzyatr-ngrpwzlru murde trnzabzlru nzkrlz-krbzlr bz mz nzbrtikr drtwrdr da kc tqesalz-ngrbz Gct badr. A' nzabz-alzulr nzkrlz-krbzlr bz mz nzvz-nqblq-krdr natq amrlx kcng tzyrong mz Loukxtr mz nzxplr-krdr esz'-krdr. X mz nzpxtxpx-krdr lrpzki r nzarlapxngr kc tqyrlq Gct, nztaong mz nou rplz kc tzyrputrngr leplz.

1 Korint 1:23

A' trvz-nqblqkru drtwr lr Jiu o kxtrngiulrJiu lcng. Murde yapwxtipxkr nzbzo-krm Kraes mz kros mz nzarlapx-krde leplz. A' mz drtwr lr Jiu nrpa lc trngiu da kxmatq-esz'ngr x mz drtwr kxtrngiulrJiu ngi dalr nzngqngungr, x nzpxtxpx-ngrdr rlilrdr.

Hibru 7:1

Melkesidek lc tqngi king r taon kc Salem. X ni-kzde pris ne Gct kx myalz-esz'ngr. Murde Melkesidek sc tqrmctipele Ebraam mz lrpzki mzli kc Ebraam tqyzlu-ngrmle mz nzaovxio-krde kzdung king nzpwxng. Ebraam rmctile Melkesidek kc tqamrlzle nide.

Hibru 7:7

X opx angidr kx mrlx kc tqrngisc zmatq ngr nzamrlzngr myaszlzle mrlx kc tqamrlzle.

1 Pita 4:14

Nzmu kx tzpikiti leplz nimu murde vz-nqblqamu Kxnzmcpx, mrlz nzabrtzlvz-krmu da lc. Murde aelwapx-ngrde kx Mqngr kxmatq kc tqvzpxm mz Gct sc tqmncbz bamu.