Nrpakxmrlz Kx Yr Jon 8:9 - Natqgu

⁹ X kx nzxlrbz kxnzalvztrng mz Lou sc Mosis x Farzsi kcng nzycmne-krde, drtwrdr trmrlzu. X sc tzdwapxpeng amrlx ngrdr yz, yzuo mz lrtzlvz nzdwapx-krdr, vz vz nzyrkrtxpxng. Murde nzkrlzlr kx nidr amrlx ngrdr nzaleng alwx. Zbz Jiszs ncdr olvz kc tzvzmimlr, nzmnc-txpwzng mz mzlir zbo ngr leplz lcng.

Nrpakxmrlz Kx Yr Jon 8:9 ပူးပေါင်းရင်းမြစ်များ

Sam 40:14

Okatrp ninge nzaovxio-krnge kxnzrpilr naodatilr ninge, Murde drtqdr namya x naobqszong mzli kc nadwasz-ngrdr ninge.

Sam 50:21

Mz nzale-krmu da lcng sc tqmnc-lrpinebo. X rpiamu mz drtwrmu, mrlzm bange nzale-krmuleng. A' trtingr! Murde da kcng tqvz-rbrtiamu delcng tqaplxtipx-atebo bamu.

Sam 71:13

Aovxio x odati krkcng tzrpilr natzlr x na-atrkatilr ninge, Mz nzamyati-krbzme drtqdr x nzbatr-krbzme nzobqszokr leplz nidr.

Nrpakxmrlz Kx Yr Luk 13:17

Kx pitxbzle natq lc, krkcng tzpxtxpx-ngrdr nide drtqdr myatxlz-pnzm. A' zbo ngr leplz lcng tzabrtzlvzlr da kcng tqmrlzvxi tqaleleng.

Nrpakxmrlz Kx Yr Jon 8:10

Jiszs yrngzlz-mop, sc tqrpipebzle bade kx, “?Myxpe leplz kcng tzvzmimlr nim? ?Mncbe dq kx na-ayrplapxle nim?”

Nrpakxmrlz Kx Yr Jon 8:12

Jiszs rpi-mopwzle mz leplz kcng tzmncng Mangr-nzangiongr lc kx, “Ninge zyzlr ngr lr nrlc. Doa kx vz-nqblqmle ninge tralepeu alwx, a' sa nalxngitile da angidr mz nzrmcti-krde nzlungr kxmrna.”

Nrpakxmrlz Kx Yr Jon 8:2

Zbz mzli kc mz nourla mz zbq krartqmz ngr Matelq, Jiszs yzlu mou Mangr-nzangiongr. Kx nzmc leplz nide, sc tzyrkrpe-mopwzng bade. X Jiszs wxbutxo x sc tqalvztrpele nidr.

Nrpakxmrlz Kx Yr Jon 8:3

Mzli lc krkcng tzalvztrng mz Lou sc Mosis x kzdung Farzsi nzvzmibzlr mz Jiszs kc kzdq olvz. Olvz lc yrlz a' rmwimi ncblo kzble.

Nrpakxmrlz Kx Yr Jon 8:8

Zbz, yrngzo mou x ryr mou mz drtc'.

Nzryr-krbz Pol Mz Lr Rom 2:15

Krlc aelwapx-ngrde kx kzdung natq mz Loukxtr ycpxpe-kaip mz nabzdr. X mz nabzdr nzkrlzlr mzli kznike nzale-ngrdr da kxmrlz o da kx vz-rbr.

Nzryr-krbz Pol Mz Lr Rom 2:22

Rpibzmu badr kx nayrlq-angidrlr nzesalz-krdr mz nzyrlzngr, a' trvz-nqblqwamuu natqmu esz'-krmu. Pxtxpx-ngrnamu nzangio-krmu mqngr drka'ng kxnzlz, a' nimu ke ye tqatrkati-lzbqamu mz nzmale-krmu da kx pnatipxmamu mz ma ngr nzangiongr nidr.

1 Jon 3:20

Kzdung mzli, mz nztao-krgu mz alwx, drtqgu mya, x trxngipebzkuu nivz lrde mz nabzgu. Kxmule-esz', a' Gct krlz-zpwxle da kx ycpxm mz nabzgu x nivz lrde myaszpx-zlwzle da lcng amrlx.