Nrpakxmrlz Kx Yr Jon 8:54 - Natqgu

⁵⁴ Rpi-mopwz Jiszs badr kx, “Nzmu na-amatq-lzbqnge trpnzngr drtwr ngrde. A' Trtenge kc tqamatqle ninge, rpiamu kx nide Gct rmu.

Nrpakxmrlz Kx Yr Jon 8:54 ပူးပေါင်းရင်းမြစ်များ

Nrpakxmrlz Kx Yr Jon 17:1

Mz nibr nzalvztrngr lcng, Jiszs obqtxlz Heven mz nzkrka'ngr. X sc tqrpipebzle mz Trtede kx, “Trte, mzli r nzbz-krnge x nzyzlu-mou-krbo bam, delc tqkrlzpebzle. Aelwapxngr nzmyalz-krnge mz nzbz-krnge, murde nzbz-krnge na-aelwapx-ngrde nzmyalz-krm.

Nrpakxmrlz Kx Yr Jon 17:5

Trte, mzli ka vzmi mou ninge Heven, murde natwz-moux me matq-esz'ngr kc tqngi nyz-pnznge mzli kc nrlc trnzwzka-ngrde.

Nrpakxmrlz Kx Yr Jon 2:11

Jiszs alele rkx lc ayrnrngr mztea Kena mz Gzlili Provins. Rkx lc aelwapx-ngrde nzmyalz-krde. Nigr ncblo nedeng mckr x lxngitikr nide.

Nrpakxmrlz Kx Yr Jon 5:41

“Trkxneu mz drtqnge kx naglqpxamu ninge o trtingr.

Nrpakxmrlz Kx Yr Jon 7:18

Murde doa kx ycmnetr-ngrde zmatq ngrde esz'-krde, suti drtwrde nzangiongr nide. A' doa kx yc mz drtwrde nzangiokr leplz Kxetu rde, ncblo kxmule lcde tubq x trpokiau.

Nrpakxmrlz Kx Yr Jon 7:39

Lue ngr nzlungr lc, tqycmnetrngr Jiszs ngi Mqngrkxtr, kc nakabz mz leplz kcng nalxngitilr nide. A' mzli lc tqycmne-ngrde, Mqngrkxtr trvztrkapz mz nabz leplz. Murde Jiszs trnzglqlzka.

Nrpakxmrlz Kx Yr Jon 8:41

Mz nzrtrngzti-krbzmu da lcng, vz-nqblq-angidramu nqmq kr trtemu, kc trngiu Gct x trngi-kzu Ebraam.” Nzrpibzlr kx, “Trnipgru doa ngr peto, a' Gct kx ngi Trtegr angidr.”

Nrpakxmrlz Kx Yr Jon 8:50

X mz trnzamatq-krpwa'muu lc ninge, Trtenge sa na-ayrplapxle nimu. Murde suti drtwrde kx leplz amrlx na-amatqlr ninge, Mrlxde. X navz-nqblq-zvzx me pnz drtwrde.

Aposol 3:13

Murde Gct rgu kc tqangio Ebraam, Aesak, Jekop, x melrmqgung, sc tqamrluepele kxnzawz nede Jiszs mz nzatulz-krmlele mz nzbzngr x avzdzpele nide Heven. Aprcbzmu nide mz nzrnibqngr x pxtxpx-ngrnamu nide mz mz Paelzt, kxmule-esz' rpile narlrpx-ngrde nzvz-krde.

2 Korint 10:18

Murde kxnzglqpx-lzbqng esz'-krdr trabrtzlvzu Gct nidr, a' nide esz'-krde kx takitrde nzglqpx-krde leplz kcng tqabrtzlvzleng nidr.

1 Pita 1:12

X aelwapx-ngrbz Gct badr kx natq kcng tzpipxlr trngiu dalr nzokatr-krde nidr esz'-krdr, a' ngi dalr nzokatr-krde nimu lcng tzvzmqng mz nibr nzngidatikr natqdr. Murde Mqngrkxtr kc tqatwzlro-ngrm Gct Heven rpibzle bamu kx natq profet lcng nzngidatipeng mz Jiszs Kxnzmcpx, kc tzyapwxtipxbzlr bamu mz Nrpakxmrlz. X mzli boipe enjrl nzsuti-kzngr drtwrdr nztwz-krdr drtwr ngr da lcdeng.

1 Pita 1:21

X mz nzaxvctr-krbzmu mz Jiszs, brtipe drtwrmu Gct kc tqatulz-mople nide mz nzbzngr x kabzle bade me matq-esz'ngr Heven. Mz nzmu-krde lcde, Gct txpwz kc tqabrtrpzmu drtwrmu bade x tqobqtipxamu mz nzatutr-krde da amrlx kcng tqesalz-ngrbzle bamu.

2 Pita 1:17

Murde mzli lcde mncomgr badr mz newz kxtr, obqbzkr nrkrdrtqde tekqtr-lzbqpe mz zluli. X xlrkr rtqlrgr natq Gct kx matq-esz'ngr vzom Heven. X Gct Trte amatqle x armyalzle nide mz nzrpi-krde kx, “Mrlx lc nide mrlxnge Kxnzmrlzti. X abrtzlvz-zlwzx nide.”