Nrpakxmrlz Kx Yr Jon 7:26 - Natqgu

²⁶ Rlr! A' se tqycmnetxpxpebz mz mz leplz kxnzkqlung x trpnzngr nidr kx ayzlubzle natqde. ?Myx kxmule, nzkrlztrpebz kxnzetu rgung kx ni-angidrpede Kxnzmcpx?

Nrpakxmrlz Kx Yr Jon 7:26 ပူးပေါင်းရင်းမြစ်များ

Matiu 22:16

Nzatwzlr-ngrbzlr bade kcng oblamzng Farzsi x kzdung leplz ngr dzbede kc mz Herot. Nzvzbzng nzrpibzlr kx, “Kxakrlz, krlzkr kx nike piq x alvztr-ngrn tubq zvz. X krlz-kzkr kx tu-amqngi-zvzq mz nzalvztr-krbzme nqmq kr Gct mz leplz, kxmule-esz' trna-abrtzlvzu kxnzetung.

Nrpakxmrlz Kx Yr Luk 23:13

Paelzt aveatileng kxnzetu rdr pris kcng x kxnzrmailzng x leplz amrlx.

Nrpakxmrlz Kx Yr Luk 7:30

A' kzdung Farzsi x krkcng tzalvztrng mz Lou sc Mosis nzpxtxpx-ngrdr me pnz drtwr Gct mz nzpxtxpx-krdr nzawrkxtrkr Jon nidr.

Nrpakxmrlz Kx Yr Jon 12:42

Yzuo mzli lc, kxnzetu r lr Jiu nzkqlung kx nzlxngitilr Jiszs. A' trnzpinedru murde nzmwxlrtilr Farzsi, ma tzyrlqtrpzlr nidr yz mz mangr-nzkrka'ngr x tzmapulrpx-ngrdr nidr mztea. Murde nzmrlzkr badr nzglqpxkr leplz nidr myaszpxle nzglqpxkr Gct nidr.

Nrpakxmrlz Kx Yr Jon 18:20

Rpibz Jiszs bade kx, “Ycmne-zvzbo mz leplz me nzyrlwrpx-lxblrngr, x nzalvztr-krngeng amrlx twztipo mangr-nzkrka'ngr x Mangr-nzangiongr mrkcng tzyrlwrpx-lxblrngr lr Jiu. Trpnzngr mzli kx alvztr-kapq-ngrne.

Nrpakxmrlz Kx Yr Jon 3:1

Kzdq Farzsi kx prtr mz Kansrl kx aclvele Loukxtr scgr, nigr lr Jiu, drtqde Nikodimzs.

Nrpakxmrlz Kx Yr Jon 7:25

Kzdung lr Jerusalem nzrpilr kx, “Mwx ncblo lc tzpi kxnzetung kx nanibqlr.

Nrpakxmrlz Kx Yr Jon 7:31

A' leplz kcng tzlxngitilr nide, sc tzrpipelr kx, “Mwx, nide Kxnzmcpx kc tzpi navzm. Murde ale rkx kxkqlu.”

Nrpakxmrlz Kx Yr Jon 7:48

?Xlrpe-kzamu dq ena nigr kx lxngitile mrlx lc?

Nrpakxmrlz Kx Yr Jon 9:22

Krlc tzycmne-ngrbzlr lc, nzmwxlrtilr kxnzetu r lr Jiu, murde nzpipxlr kx, “Doa kx rpile Jiszs nide Kxnzmcpx, sa na-amnctrpzlr yz mz mangr-nzkrka'ngr x namapulrpx-ngrdr mztea.”

Aposol 4:13

Pita x Jon nelzdr br mz nzycmnengr, kxmule-esz' trnzsiklu-angidrung x trnzalvztr-pnzu nidr mz lou sc Mosis. Zbz kxnzrmailz ngrdr lr Jiu nzkctitxpxlr, x sc tzkrlz-atelr kx nzmncng ena badr Jiszs.

Filipae 1:14

Nzmncpx-krmc lc mz presin, apqtr-mopwzle nabz mzlegung kxnzkqlung. X mzli ka nelzdr br mz nzpipx-krdr Nrpakxmrlz, x trnzmwxlrpeung.