Nrpakxmrlz Kx Yr Jon 6:60 - Natqgu

⁶⁰ Kx nzxlr leplz kxnzvz-nqblqlr nide nzycmne-krde lc, sc tzrpipelr kx, “Nzalvztrngr lc rblxm bagu. ?Myx kxnamu nzkrlz-krgu natq lcng?”

Nrpakxmrlz Kx Yr Jon 6:60 ပူးပေါင်းရင်းမြစ်များ

Matiu 11:6

Sa namrlzbz mz ncblo kx trpxpx-ngrdeu ninge mz trnzale-krngeu nike pnz drtwr leplz kx nangi nzwzkr Kxnzmcpx.”

Nrpakxmrlz Kx Yr Jon 2:2

Zbz Jiszs x nigr ncblo nedeng kcng tqmcpxpeleng, nzaveati kz nigr mz nzyrlzngr lc, x sc tqvzpekr.

Nrpakxmrlz Kx Yr Jon 5:25

Mzli ka sc tqkrlzpebzle mzli kxmrna. Murde krkcng tzlxngitilr natqnge nzprtrpeng mz nzlungr kxmrna.

Nrpakxmrlz Kx Yr Jon 6:52

X lr Jiu kcng drtwrdr kc tqtrkape. X sc tzrpipelr kx, “?Myx kxnamu, nzka-krm mrlx lc ncvr drtqde mz nzngq-krgule?”

Nrpakxmrlz Kx Yr Jon 6:64

A' kzdung nimu trnzlxngiti-angidrlru natqnge. Delc tqrpi-pnz-ngrbo bamu kx, ‘Trpnzngr doa kx navztxnem bange, a' ngi txpwz kx rlr-ngrm x kam Trtenge.’” Jiszs kc tqkxmu nzycmne-krde lc, murde krlz-pnz-kaile mz nzabzokr nzwz-krde, doa kx na-amwale nide x krkcng trnalxngitilru nide.

Nrpakxmrlz Kx Yr Jon 6:66

Mzli lcde, leplz nzkqlung kx nzvecpx-lzbqpeng mz nzvz-nqblq-krdr nide.

Nrpakxmrlz Kx Yr Jon 7:3

Zbz mzle Jiszs sc tzrpipebzlr bade kx, “Rlasz mrka x vzdz Judiz, murde leplz nemqng namc-kzpzlr rkx kcng tqaelwapx-ngrn.

Nrpakxmrlz Kx Yr Jon 8:31

Sc tqrpipebz Jiszs mz lr Jiu kxnzlxngitilr nide kx, “Mz nzyrlq-angidr-krmu natqnge, aelwapx-ngrde kx nimu leplz nengeng. Delc nakrlz-zpwx-ngrnamu da angidr, x da angidr lcde sa na-aopxbzle drtqmu.”

Nrpakxmrlz Kx Yr Jon 8:43

A' narmu trnzyrplatitrlru natqnge.

Hibru 5:11

Da kqlube kx na-alvztr-ngrne nimu mz nzapukr Kraes Melkesidek. A' rblx nzalvztrngr nimu, murde teblq-mouamu mz nzrkrlz-krmu kxasa zlwz, x da angidr tryatitru narmu.

2 Pita 3:16

Pol ycmnetr-ngrde da lcng mz letz scdeng amrlx. X krlzx kx kzdung nzalvztr-krdeng rblx nzyrplatitrkr nar leplz le. X leplz kcng trnzrkrlz-zpwxung x kxnzngrgong mz nzrlxngiti-krdr, leplz lcng nzalvztr-rbrng mz nzalvztrngr kxrblx lcng. X nzalvztr-rbr-kzng mz Nzryrngrkxtr amrlx. A' da lc sa naodatingr nidr.