Nrpakxmrlz Kx Yr Jon 6:43 - Natqgu

⁴³ Rpibz Jiszs badr kx, “Bzkq drtwrmu lctrp mz natqnge lcng.

Nrpakxmrlz Kx Yr Jon 6:43 ပူးပေါင်းရင်းမြစ်များ

Matiu 16:8

Kx xlrm Jiszs da kc tqycmnetr-ngrgr, sc tqrpipemle bagr kx, “?Memule nzlxngiti-krmu ninge tqtopwzbe-ngrde? ?Nike tqyc-zlwzngr mz drtwrmu trnzrtwzne-krmuu bret?

Nrpakxmrlz Kx Yr Mak 9:33

Mz nibr nzyzlu-kr-mop Jiszs badr ncblo nedeng mztea Kzpznizm, sc tzvztrpeng mz ma kc tzmnc-ngrdr. Zbz Jiszs rveabz badr kx, “?Nikeng tqycmnetr-ngrnamu mzli kc tqvz-ngrmgu mz lrpzki?”

Nrpakxmrlz Kx Yr Jon 16:19

Krlz Jiszs kx suti drtwrgr nzveati-krbzkrle bade, sc tqrpipemle kx, “Rpibo kx ‘mzli kx mrbcne x trnamcwamuu ninge, zbz sa namc-mouamu ninge.’ ?Da kc tqveati-etramu nide lc?

Nrpakxmrlz Kx Yr Jon 6:42

X sc tzrpipelr kx, “Jiszs xke, Mrlx Josip. X krlz-angidrku trtede x lxede. ?A' nike tqrpi-ngrde kx, ‘Vzomc Heven?’”

Nrpakxmrlz Kx Yr Jon 6:44

Trpnzngr kx navztxnem bange, a' ngi txpwz kx vectrp Trtenge. X leplz kxnzmulr lcng, sa na-atulz-mopwc'ng mz Mzli Kxmatq lc.

Nrpakxmrlz Kx Yr Jon 6:64

A' kzdung nimu trnzlxngiti-angidrlru natqnge. Delc tqrpi-pnz-ngrbo bamu kx, ‘Trpnzngr doa kx navztxnem bange, a' ngi txpwz kx rlr-ngrm x kam Trtenge.’” Jiszs kc tqkxmu nzycmne-krde lc, murde krlz-pnz-kaile mz nzabzokr nzwz-krde, doa kx na-amwale nide x krkcng trnalxngitilru nide.

Hibru 4:13

Mz nzmu-krde lcde, naplzpxku nzvz-rbr-krgung amrlx mzli ka, murde naipqpele nigu x naprtrku mz nzmnc-zpwxngr lc. Murde trpnzngr dalr nrlc kx yc-kapqbz mz Gct, a' da amrlx kcng tqaleku x tqaoti drtwrgu sa tqyrlq-angidr mzteng. X sa naplzpxbzku da lcng bade mz Mzli Kxmatq kc na-ayzlu-ngrbzle da mz leplz.