Nrpakxmrlz Kx Yr Jon 6:2 - Natqgu

^2-4 Vzdzpekr badr mz kzdq nra x sc tqwxbuo-lxblrpekr me mnzpz' mz nzalvztr-krde nigr. Mzli lc ycpe pipz nzkaputr-krm nzyrlwr-lxblrkr lr Jiu, kc tzrpibz Nzamyangr. X leplz kxnzkqlung sc tzyrkr-nqblqpelr Jiszs, murde nzmcpe-krdr rkx ngr nzamrlz-krde leplz kxnzyagoxng.

Nrpakxmrlz Kx Yr Jon 6:2 ပူးပေါင်းရင်းမြစ်များ

Matiu 12:15

Jiszs krlzle drtwr kc tzyrlqlr Farzsi, x sc tqrlaszpele mrkc. Leplz kxnzkqlung nzvz-nqblqlr nide x amrlzle amrlx ngrdr kcng tzyagoxng.

Matiu 13:2

Zbz zbo ngr leplz kxnzetunepxlr kc, sc tzyrlwr-ngalelvzpelr nide. X sc tqdwaope mz bot, mz nzalvztr-krde nidr kcng tzyrlwrpxbzng mepz.

Matiu 14:14

Zbz mzli kc Jiszs tqvztrpe-ngrmle mepz, sc tqmcpele zbo ngr leplz kcng tzyrlwrng mrkc tzaenzlilr nide. X sc tqyctx-zlwzpengr drtwrde nidr x amrlzle kxnzyagoxng.

Matiu 8:1

Mzli kc Jiszs tqvzo-ngrmle mz nra kc mz nibr nzalvztrngr lc, zbo ngr leplz kxnzetung sc tzma-nqblqpelr nide.

Nrpakxmrlz Kx Yr Mak 1:45

A' mrlx kc pitxnede da lc mrkcng kqlu tqvzkile. X rblxbz mz Jiszs nzvztr-krde mz mztea lcng murde dzbe leplz kx nzyrlwrng mrkc nzkqlu-aning. Delc tqmncpe-ngrmle rlru, a' kxmule-esz' lr mztea kang kqlu sc tzvzmqng ye bade.

Nrpakxmrlz Kx Yr Mak 6:33

A' leplz nzkqlung nzmclr nzrkalz-krmlr x nzglxlr nidr. Zbz leplz lcng, nidr badr leplz ngr mztea kxkqlu ngr nrlarnrlc lcde, sc tzvzkipebzlr mepz, x nzmnc-kaing mrkc na-alilvckitrlr.

Nrpakxmrlz Kx Yr Jon 11:47

Zbz Farzsi kcng sc tzyrlwr-lxblrpeng badr kxnzetu rdr pris mz Kansrl kc tqaclvele Lou scdr lr Jiu. X sc tzrpipelr kx, “?Nike na-alepeku? Jiszs sc tqaelwapx-zvzngr rkx kxmatq. X mzli ka nzrpilr kx atulzpe-mop ncblo mz nzbzngr.

Nrpakxmrlz Kx Yr Jon 12:18

X kx nzxlr leplz kx nzkqlung rkx lcde, sc tzyrkr-ngrmlr mz Jiszs.

Nrpakxmrlz Kx Yr Jon 12:37

Murde trnzlxngitilru nzngini-krde Kxnzmcpx, kxmule-esz' rkx kcng kqlung tqalele, tzaelwapx-ngrdr zmatq ngr Gct.

Nrpakxmrlz Kx Yr Jon 2:11

Jiszs alele rkx lc ayrnrngr mztea Kena mz Gzlili Provins. Rkx lc aelwapx-ngrde nzmyalz-krde. Nigr ncblo nedeng mckr x lxngitikr nide.

Nrpakxmrlz Kx Yr Jon 2:23

Mzli lc tqmncngr Jiszs Jerusalem mz Nzamyangr, leplz nzkqlung nzrlxngititx-ngrpwzlr nzrmc-krdr rkx kcng tqaleleng.

Nrpakxmrlz Kx Yr Jon 20:30

Da kxmatq kxkqlu kx ale-kzp Jiszs bagr. A' da lcdeng tryrowxu mz buk lc.

Nrpakxmrlz Kx Yr Jon 3:2

Kzdq nrlckxbq vzm mz Jiszs mz nzycmnetr-krdr mz nzmnclz-ngrbz mz Gct mz nzngini-krde King. X sc tqrpipebzle bade kx, “Kxakrlz, krlzkr kx nim kxalvztr kx atwzlr-ngrm Gct. Murde trpnzngr leplz kx rkrlz nzalengr rkx lcng tqaleq, a' ngi txpwz ncblo kx mncbz Gct bade mz nzokatr-krdele.”

Nrpakxmrlz Kx Yr Jon 6:14

Kx nzmclr rkx lc, leplz lcng sc tzrpipelr kx, “Zpwxtx, krlc Profet kc tqpi Gct navzm mz nrlc.”

Nrpakxmrlz Kx Yr Jon 6:22

Nrlc kxngrlxobzle, zbo ngr leplz kcng tzyrlwrpe-moung mz nrlar dxbu. Kzdung bot ngr taon kxetu Taebirizs, sc tzdwa-aepztrpqng mrkc tzmu-ngrdr. X sc tzaenzli-moulr Jiszs, murde nzkrlzlr kx alilvco-lxblrmgr badr bq. X amnctxkr Jiszs x sc tqyzluopekr mz bot Kzpznizm.

Nrpakxmrlz Kx Yr Jon 6:26

X sc tqalvztrpeng Jiszs mz mangr-nzkrka'ngr. Rpibzle badr kx, “Da angidrtx lc napibo bamu. Kc tqrtangrti-ngrnamu ninge ye, murde nzmu-krmu x drtwrmu esatxpx. A' trvz-ngrpwa'muu murde krlzamu drtwr ngr rkx kc tqaelwapx-ngrbo bamu.

Nrpakxmrlz Kx Yr Jon 6:30

A' nzrpibzlr kx, “?Rkx kznike na-aelwapx-ngrme bagr murde nalxngitikr kx vzpxme mz Gct?