Nrpakxmrlz Kx Yr Jon 5:27 - Natqgu

²⁷ X ni-kznge Mrlx Leplz. Delc, tqaprc-kz-ngrmle bange zmatq ngr nzayrplapxngr leplz mz alwx ngrdr.

Nrpakxmrlz Kx Yr Jon 5:27 ပူးပေါင်းရင်းမြစ်များ

Sam 110:6

X sa na-ayrplapxle lr mrkzbleng mz nznibqti-krde nidr amrlx. X sa na-aovxio-atwrnr-ngrde king rdrng mz nrlc tulvzo.

Matiu 9:6

Mz nzmu-krde lcde, na-amrlzbo nrkrdrtqde mz nzaelwapx-krnge kx ninge, Mrlx Leplz, rngisc-kznge zmatq ngr nzipqpxngr alwx mrka mz nrlc.” X sc tqrpipebzle mz ncblo kc nrkrdrtqde tqbz kx, “Mrlxnge, tulz, oti nqni pnrm x vzpe mrnyzm!”

Nrpakxmrlz Kx Yr Jon 5:22

Murde trngiu Trtenge kc napile doa kx tubq o kx vz-rbr, da kc tqwai nzaotikr drtwrmu le. A' aprcpemle bange zmatq amrlx mz nzale-krnge da lc.

Nrpakxmrlz Kx Yr Jon 9:39

Rpibz Jiszs kx, “Vz-ngrmc mz nrlc mz nzpwxliti-krnge leplz mz alwx ngrdr x mz nzalvztr-krnge nidr kcng trnzkrlzkalr Gct, murde narmctilr nzlungr kxmrna. A' vz-kz-ngrpc' mz nzaelwapx-krbo da kxvz-rbr mz leplz kcng tzrpilr kx nzalvztr-krdr tubq.”

Aposol 10:42

X rkam bagr natq mz nzryapwxpx-ngrbz Nrpakxmrlz. Murde Gct mcpxle Jiszs mz nzayzlu-krbzle da mz leplz, kxmule-esz' kxnzlubeng o kxnzbzpeng.

Aposol 17:31

Murde pipx-pnzle kx mz Mzli Kxmatq kc navzm nzayzlu-krbzle da mz leplz natubq. X mcpxpele Jiszs mz nzale-krdele. Murde aelwapx-ngrbzle mz leplz amrlx kx sa tqalele da lc mz nzatulz-mou-krmle Jiszs mz nzbzngr.”

1 Korint 15:25

Murde Kraes nangini-kaide King, navz navz mzli kx nzamnclz-ngrbz enqmi amrlx mz zmatq ngrde.

Hibru 1:2

A' mzli ka, mz nzaenzli-krgu nzatubqtikr Gct da amrlx, ycmne-angidrpe-kzp bagu mz nzatwzlr-krmle Mrlxde, Jiszs Kxnzmcpx. Mz nide, dekc tqwz-ngrde nrlc x doa x da amrlx elr. X yrlqle da amrlx mz nzngisckr Jiszs x doa amrlx mz nzmnclz-krbzlr mz zmatq ngrde.

1 Pita 3:22

Mzli ka sc tqwxbupe me matq-esz'ngr Heven mz nrlar Gct kxrtc. X krkcng amrlx Heven, tzmnclzbzng bade, kxmule-esz' enjrl, o kxnzetung, o kxnzmatqng.