Nrpakxmrlz Kx Yr Jon 5:16 - Natqgu

¹⁶ X sc tzngyatipe drtwrdr Jiszs, murde nzamrlz-krde ncblo kc mz Sabat.

Nrpakxmrlz Kx Yr Jon 5:16 ပူးပေါင်းရင်းမြစ်များ

Matiu 12:13

Zbz sc tqrpipebzle mz ncblo kc kx, “Atwztqpx mqm.” X atwztqtxpxle mqde, x mrlztx pnz mzli kcpwz, da kc tqwai mqde kc tqmrlz.

Nrpakxmrlz Kx Yr Mak 3:6

Zbz Farzsi kcng nzrlasztxdr mangr-nzkrka'ngr. X sc tzvz-anipeng mz nzycmne-etr-krdr badr ncblo neng King Herot Antipas, mz nzrpi-krdr kxnamu nznibq-krdr Jiszs.

Nrpakxmrlz Kx Yr Luk 6:11

A' Farzsi kcng badr krkcng tzalvztrng, drtwrdr ngyatx atwrnrngr. Sc tzrpi-etrpeng da kx nawaisr-ngrdr Jiszs.

Nrpakxmrlz Kx Yr Jon 1:19

Mzli lcde, Jon Kxawrkxtr mnc mz nrlar LueJodzn kc tqprkilzm nepi mz nzawrkxtr-krde leplz. Kzdq zbq kxnzetu r lr Jiu kcng mzteadau Jerusalem nzaveamlr kcng pris x ncblo ngr nqvi lr Livae mz Jon. Nzrpibzlr kx, “?Nim ncblo kznike?”

Nrpakxmrlz Kx Yr Jon 10:39

Kx nzxlrbzlr nzycmnekr Jiszs drtwrdr kc tqngyatxpe mou. X sc tzrpilr nalolvzpe-ngrdr nide. A' ani txpwz nzrlasz-krde Mangr-nzangiongr.

Nrpakxmrlz Kx Yr Jon 15:20

Nadcpx mz drtwrmu da lc tqpibo bamu, ‘Trpnzngr kxnzawz kx myaszlzle kxetu rde.’ Nzmu kx tzatrkatilr ninge kc tqngi kxetu rmu, sa na-atrkati-kzlr nimu mz nzngini-krmu kxnzawz nengeng. A' nzmu nayrlqlr natqnge, sa nayrlq-kzlr natqmu.

Nrpakxmrlz Kx Yr Jon 5:10

X kxnzetu r lr Jiu, kx nzmclr ncblo lc, sc tzrpipebzlr bade kx, “?Ei, nila tqaleq? ?Trkrlzwq nzngikr Sabat koma? Nzwzngr mz nzrglq-krm nqni mnrm apxngr Lou sc Mosis.”

Nrpakxmrlz Kx Yr Jon 5:13

A' trkrlz-pnzleu drtqde. X trmcpeleu krkc tqamrlzle nide, murde Jiszs amrbrtr-lzbqpe mz zbo ngr leplz.

Nrpakxmrlz Kx Yr Jon 5:15

Kx krlzle kc drtq Jiszs, sc tqvzpe, tqpipebzle mz kxnzetu r lr Jiu kx, “Jiszs nide kc tqamrlzle ninge.”

Nrpakxmrlz Kx Yr Jon 5:17

Kx krlztipebz Jiszs nzngyatikr drtwrdr nide, sc tqrpipebzle badr kx, “Trtenge tramau mz nzwz-krde, a' wz mz zbq kang kqlu. X vztr-kzpz mzbq ka kxmule-esz' ngi Sabat. X navz-nqblqpwo nide.”

Nrpakxmrlz Kx Yr Jon 5:18

Nzycmnekr Jiszs lc trka mz drtwr kxnzetu r lr Jiu. X nzrpilr nanibqlr nide, murde xpqbrlr-ngrde lou ngr Sabat. X mou, rpile kx nide Mrlx Gct. X mz drtwrdr, rtulrtr-lzbq-ngrde nzrsakrlr-krdr ncdr Gct. X delc tqtakitr-ngrde nznibqngr nide.

Nrpakxmrlz Kx Yr Jon 7:21

Rpibz Jiszs mz kxnzetu r lr Jiu kx, “Kzdq mzli wzx mz Sabat mz nzamrlz-krnge ncblo. A' yrkelvzamu ninge. A' nimu wz-kzamu mz Sabat mzli kznikeng vz-nqblq-ngrnamu Lou sc Mosis, mz nzrpakrngr doa ncblo. (A' lou lc vz-pnz-kaip x lou sc Mosis kc ate.) Murde nzmu zbq ngr nzrpakrngr kx tqtaole mz Sabat, sc tqrtrngztipebzmu nzrpakrngr. X da lc tubq mz drtwrgu. ?A' memule tqngyatingr drtwrmu ninge, mz nzamrlz-atwrnr-krnge ncblo mz Sabat?

Nrpakxmrlz Kx Yr Jon 7:25

Kzdung lr Jerusalem nzrpilr kx, “Mwx ncblo lc tzpi kxnzetung kx nanibqlr.