Nrpakxmrlz Kx Yr Jon 21:12 - Natqgu

^12-13 Zbz sc tqrpipem Jiszs bagr kx, “Vzmamu, mutxnamu.” Jiszs vztrpz, kalzmle bret, sc tqakipemle bagr, x wai-kzle nc kc tqbzlule. Mz nzapu-krde kc nigr, trpnzngr mz nigr kx abrle nelzde mz nzrpi-krbzle kx, “?Nim neke?” A' drtwrgr esz'ti mz nzglx-krgr kx krlc Kxetu rgr.

Nrpakxmrlz Kx Yr Jon 21:12 ပူးပေါင်းရင်းမြစ်များ

Matiu 22:46

A' nzveakr Jiszs trpnzngr kx ayzlubz. X abzo mz zbq lc, trpnz-moungr kx veabz bade da, murde ma drtqdr tqmya zvz.

Nrpakxmrlz Kx Yr Mak 9:32

A' ncblo nedeng trnzkrlzlru drtwr ngr nzrpi-krde kx Kxnzmcpx sa nabz. A' naodr mya nzveati-krbzlr drtwr ngrde.

Nrpakxmrlz Kx Yr Luk 9:45

A' trnzkrlzlru nike drtwr ngrde. Nzyrlq-kapqbz badr x tryrplatitru nardr. A' nzmwxlrtilr nzveati-krbzlr nzycmnengr lc.

Nrpakxmrlz Kx Yr Jon 16:19

Krlz Jiszs kx suti drtwrgr nzveati-krbzkrle bade, sc tqrpipemle kx, “Rpibo kx ‘mzli kx mrbcne x trnamcwamuu ninge, zbz sa namc-mouamu ninge.’ ?Da kc tqveati-etramu nide lc?

Nrpakxmrlz Kx Yr Jon 21:11

Zbz Saemon Pita sc tqyzlupxpe mou mz bot, tqvectrpemgr badr br kc mepz. Nc lcdeng krlzbzle trtqki-esz'-nzpnu-nzlvqn-nrade-tq (153). X kxmule-esz' nc kqlu mz nzpookr br kc esz', a' br scgr trbxngeu.

Nrpakxmrlz Kx Yr Jon 21:15

Mz nibr nzmu-krgr, Jiszs sc tzvznepeng mz Pita. X sc tqrpipebz Jiszs bade kx, “?Saemon mrlx Jon, nzaodu-krm ninge myaszpxle mrlx lcng?” Rpibz Pita bade kx, “Eu Kxetu, krlzpeq kx mrlztix nim.” Rpibzle bade kx, “Kx tqmule lcde, aclvebz leplz nengeng kcng tzapulr nei sip.”

Nrpakxmrlz Kx Yr Jon 4:27

Mzli lcpwz nigr ncblo nedeng sc tqyzlupemgr mz mztea Sika. X kctitxpxkr nzmc-krgr Kxetu rgr nzycmne-krdr ncdr olvz lr Szmariz. Murde kxakrlz kx apule Jiszs nzrpwa'-ngrbz bade nzycmnemi-krde olvz. A' trpnzngr nigr kx rpibzle mz olvz kc kx, “?Nike suti drtwrm?” X trpnz-kzngr kx rpibzle mz Kxetu rgr kx, “?Memule tqycmnemi-ngrn olvz lc?”

Aposol 10:41

Adcpx-lzbqm bagr, nigr aposol kcng tqmcpx pnz Gct. Trngiu leplz amrlx kx nzmcpe-moulr nide, a' nigr txpwz krkcng tzmung badr mz nibr nztulz-krmle mz nzbzngr.