Nrpakxmrlz Kx Yr Jon 20:17 - Natqgu

¹⁷ A' rpibz Jiszs bade kx, “Bzkq maletrpe' ninge, murde trvzdzkapc' mz Trtenge. A' navz-kaipo bade murde naesotr-kzpa'mu bange. A' vzbz mz mzlengeng mzli ka, x pibz badr kx, ‘Navzdz-kaipo mz Trtenge kc tqngi kz Trtemu, nide kc tqngi Gct rnge x Gct rmu.’”

Nrpakxmrlz Kx Yr Jon 20:17 ပူးပေါင်းရင်းမြစ်များ

Sam 22:22

Mz nzyrlwr-lxblrkr leplz nemqng, Sa nabilvzx nim, mz nzrpi-krbo mz mzlengeng da kx aleme bange.

Sam 43:4

X na-angiox nim mz olta nyzm, Mz nzngini-krm nou nzabrtz-krnge. X na-angrlvzx nim mz nzayrni-krbo gita bam.

Sam 48:14

Nzmyalzkr Gct rgu sc tqaelwapx-lzbqngr mz mzteadau lc. X sc tqmailzle nigu tqyc tqyc.

Sam 68:18

Kxetu vzdz-ngrde wq, X aovxiole enqmi kxkqlu. X nzkabzlr da bade, mz nzmetx-krbzlr bade, Kxmule-esz' kxnzxpqbrlr-ngrdr nide mzli kc.

Sam 89:26

Sa namcle kx ninge trtede, Kc tqngi Gct rde x butqbr nyzde kc tqrlakitrle.

Matiu 12:50

Murde doa kcng tzvz-nqblqlr me pnz drtwr Trtenge kc Heven, nidr lang mzlengeng x inwengeng x lxenge angidrng.”

Matiu 25:40

X sa na-ayzlu-ngrbo natqdr kx, ‘Da angidr lc napibo bamu. Mzli kznike okatr-ngrnamu leplz nengeng, kxmule-esz' nidr leplz txneng, mz drtwrnge okatrpeamu ninge.’

Matiu 28:7

A' yzlu-aniamu x pibzmu mz ncblo nedeng kx, ‘Jiszs tulzpe-mop mz nzbzngr, x sa nartwayzpe kai Gzlili. Sa narmctiamu nide elr.’ Nrpa kx napibo bamu delape.”

Nrpakxmrlz Kx Yr Mak 12:26

X Mosis aelwapx-ngrde kx krkcng tzbzpeng sa na-atulzmqng mz nzlungr. Murde krlz-angidramu natq Mosis mz be ngr nounc kc tqmrbz tqwou. Mzli lc Gct tqrpi-ngrbzle mz Mosis kx, ‘Ninge Gct ngr Ebraam, Aesak x Jekop.’

Nrpakxmrlz Kx Yr Mak 16:19

Mz nibr nzycmne-krbz Kxetu Jiszs badr, sc tqavzdzpe Gct Heven. X wxbutxom me matq mz nrlar Gct kxrtc.

Nrpakxmrlz Kx Yr Luk 10:4

Bzkq rtwzamu trau x bxli, a' twz-txpwzmu sadol kc tqyctr mz nanycmu. Bzkq nzaotr nimu leplz nzycmne-krbzmu badr mz lrpzki, a' rnekitiamu mz nzvzngr.

Nrpakxmrlz Kx Yr Jon 13:1

Mzli kc nepi trtaoka-ngrde x trkrlzkapzle Nzamyangr, Jiszs krlzpe-kaile kx mzli r nzrlasz-krde nigr ycpe pipz, mz nzyzlu-kr-mopwzle mz Trtede. X mz nzmrlzti-zvz-krde leplz nedeng mz nrlc, aelwapx-ngrmle nzetukr nivz lrde bagr.

Nrpakxmrlz Kx Yr Jon 13:3

A' Jiszs krlzle kx aprcpebz Gct zmatq ngr da amrlx kcng naprtzbzng bade. X krlz-kzle kx prpxm mz Gct x nayzlu-mopwz bade.

Nrpakxmrlz Kx Yr Jon 14:2

Murde mrkc Heven ma nyz Trtenge kqlu-esz'ngr, x navz-kaipo mrlcde mz nzoliqtipx-krbo nzvz-krmamu. Dekc, nayzlu-ngr-mopwc' mz nzvzmi-krnge nimu, murde namnc-aloamu mrkc tqmnc-ngrne. X takitrde nzlxngiti-krmu natqngeng murde trkrlzwxu nzpokiangr.

Nrpakxmrlz Kx Yr Jon 14:28

Xlrpemamu nzpi-krbo kx narkalzpemc x sa nayzlu-mopwc' bamu. Nzmu namrlzti-angidramu ninge, naelalz-ngrm drtwrmu nzvz-krbo mz Trtenge, murde myapxbz mz ninge.

Nrpakxmrlz Kx Yr Jon 14:6

Rpibz Jiszs bade kx, “Ninge lrpzki, da angidr x nzlungr. Ninge lrpzki kc nao-zli mz nzrkrlz-ngrbz Heven. X ninge kx na-aelwapx-ngrbz da angidr kx vzpxm mz Gct. X ninge kz nou nzlungr kxboi. Mz nzmu-krde lcde, trpnzngr kx navztxnebz mz Trtenge, a' navzki-kaiple bange.

Nrpakxmrlz Kx Yr Jon 16:28

Eu, vzpxmc mz Trtenge x vzomc mz nrlc. X mzli ka narkalzpe-mopwc' x nayzlupebo bade.”

Nrpakxmrlz Kx Yr Jon 17:11

Mzli ka trnamncpewxu mz nrlc, a' na-amnctxpwc'ng nidr mz nrlc mz nzvzpe-krbo bam. Trte, nim tr-esz'ngr. Delc aclve-angidrbz leplz lcng mz zmatq ngr drtqm kc tqkame bange, murde naesz'ting da kc tqwaiki nzesz'ti-krgi.

Nrpakxmrlz Kx Yr Jon 17:25

“Trte, nqmq krm tubq-esz'ngr. X kxmule-esz' trnzkrlzu lr nrlc nim a' krlzx nim, x leplz nengeng amrlx nzkrlzlr kx atwzlr-ngrme ninge.

Nrpakxmrlz Kx Yr Jon 17:5

Trte, mzli ka vzmi mou ninge Heven, murde natwz-moux me matq-esz'ngr kc tqngi nyz-pnznge mzli kc nrlc trnzwzka-ngrde.

Nrpakxmrlz Kx Yr Jon 20:27

Zbz rpibzle mz Tomas kx, “Vzm Tomas, nratoki r mqm yrlqo mrlc, x mc nabzlvz r mqnge x maletr kz blrirnge, x bzkq drtwrm abrlzpem, a' lxngitipe nzlu-kr-mopwc'.”

Nrpakxmrlz Kx Yr Jon 7:33

A' mzli kc tzkaputr-ngrbz pulis lcdeng, nzlalztqbzng bade. X sc tqrpipebz Jiszs mz leplz lcng amrlx kx, “Mzli r nzmnc-krbo bamu trboipeu x ninge kc tqyzlupe-mopwc' mz Gct kc tqatwzlr-ngrmle ninge.

Nzryr-krbz Pol Mz Lr Rom 8:29

X mcpx pnz kz Gct nigu, x sc tqwz-ate-ngrde nrlc. Murde krlz-pnz-kaile kx sa nalxngitiku Mrlxde. X yrlqle drtwr kx na-apupwzku Mrlxde mz nqmq krgung, murde Mrlxde nangi doa kc kai x nanginigu doa kxnztopwzbzng bade.

2 Korint 6:18

X rpi kz Yawe kc tqrninr kx, “Sa nanginibo Trtemu, x nanginimu mrlxngeng x inyxngeng.”

Galesia 3:26

Mzli ka kxmule-esz' trnginipuu lr Jiu, a' nimu kz doa kxnztopwzng ne Gct, murde lxngitiamu Mevalu Jiszs nzarlapx-krde nimu.

Hibru 11:16

A' nike nzsutitx-zlwzpe drtwrdr, nzmnc-krdr mrnyzdr kxmyapxbz, mrkc Heven. Dekc Gct tqoliqti-ngrbzle mzteadau nyzdr Heven mz nzabrtzlvz-krde nzrpi-krbzlr nide Gct rdr.

Hibru 8:10

Mz Nzesz'tikr Drtwr Lc Tqate badr lr Israel, sa nayrlqtrpo natqngeng mz nardr, murde nakrlz-zpwxlr me pnz drtwrnge. X natqngeng sa naycpx-kzpqng mz nabzdr, murde nasuti drtwrdr nzvz-nqblq-krdrleng. Sa nanginibo Gct rdr, x nanginidr leplz nengeng.

1 Pita 1:3

Na-awibzku mz Gct kc tqngi Trte Kxetu rgu Jiszs Kxnzmcpx. Murde mz zmrlz ngrde kxmyalz batrple bagu nzprtr-krgu mz nzlungr kxmrna. Lxngitiku Jiszs Kxnzmcpx kc tqatulz-mop Gct mz nzbzngr x prtr-kzku mz nzlungr kxboi. X obqtipxku da kxmrlzting amrlx kx nzyrlq-bekapxlr mz nzka-krmlrleng bagu Heven. Murde da lcng trnayrkrpxu x trnatekqtru, a' sa nayc-along.

1 Jon 3:2

Mzlengeng x inwengeng, mzli ka nginipegu doa neng Gct. X mzli kc nayzlu-ngrm Kraes, sa natekqtr Gct nigu. Kxmule-esz' tropxka mz drtwrgu myx kxnamuku, a' krlzku kx mzli lcde sa naopx-angidrpe nzmc-krgu nide mz nzkrlz-angidr-krgule. X sa natekqtr Gct nigu mz nzapu-angidr-krgu nide.

Nzaelwapxngr 21:3

X xlrx kc natq kxetu aepztr mz tron, rpile kx, “Ma nyz Gct ycpebz mz krkcng Nanginidr leplz nedeng. Sa namncpeng badr. X Gct esz'-krde sa nanginide Gct rdr. Drlemztr amrlx sa naycpqpxbzle. Trpengr kx drtwrde navz, Kx nayrni, kx nabz, Kx drtqde navetq. Dalr mzli kc mrbrpe.”

Nzaelwapxngr 21:7

Sa nakabo da lcng mz leplz kcng tzaovxiong mz nzvec-krdr badr zmatqng kxtrka. X sa nanginibo Gct rdr, x sa nanginidr doa nengeng.